اسرائیل: فوجی اڈے کی پانچ منزلہ عمارت جل گئی

پریس ذرائع نے صیہونی فوج کے گردان کفیر ٹھکانے میں آگ لگنے کی خبر دی ہے۔

فاران: موصولہ رپورٹ میں بتایا گیا ہے کہ گردان کفیر نامی صیہونی فوج کا یہ اڈہ درہ اردن میں واقع ہے۔

آگ لگنے کے اس واقعہ میں اس فوجی اڈے کی پانچ منزلہ عمارت مکمل طور پر جل گئی ہے جبکہ فائر بریگیڈ کی دس ٹیمیں آگ بجھانے کی کوشش کر رہی ہیں تاکہ آگ کو ہتھیاروں کے گودام تک پہنچنے سے روکا جا سکے۔

گذشتہ چند ماہ کے دوران مقبوضہ فلسطین کے مختلف علاقوں میں آگ لگنے کے کئی واقعات رونما ہوئے ہیں جن میں بیشتر واقعات کی وجہ ابھی تک معلوم نہیں ہو سکی ہے۔