Mafuriko makubwa katika mataifa ya Afrika ikiwemo Kenya na Tanzania yamesababisha vifo vya takriban watu 383.
Wizara ya Mambo ya Ndani ya Kenya ilitangaza kuwa takriban watu 228 waliuawa kutokana na mafuriko katika baadhi ya maeneo ya nchi hiyo.
Kwa mujibu wa gazeti la Rasha Today, mafuriko hayo pia yameathiri Hifadhi ya Kitaifa ya Safari ya Maasai Mara iliyoko magharibi mwa Kenya, ambapo kundi kubwa la watalii wa kigeni walikuwa wamekwama katika hoteli moja kutokana na mafuriko ya Mto Telak.
Hifadhi ya Safari ya Masai Mara ni mojawapo ya maeneo yaliyohifadhiwa ya wanyamapori nchini Kenya, ambayo hupokea makumi ya maelfu ya watalii wa kigeni kila mwaka.
Kulingana na tangazo la Wizara ya Mambo ya Ndani ya Kenya, hali inatarajiwa kuwa mbaya zaidi katika tambarare na pwani, na maporomoko ya ardhi na maporomoko ya matope pia yanaweza kutokea katika maeneo yenye miteremko na mabonde.
Miezi ya mvua kubwa imeharibu nyumba, barabara na madaraja na kusababisha zaidi ya watu 210,000 kuyahama makazi yao, kulingana na tangazo hilo.
Mafuriko ya hivi majuzi pia yameathiri nchi jirani ya Kenya na inasemekana kuwa takriban watu 155 wameuawa nchini Tanzania. Majeruhi na uharibifu mkubwa pia umeripotiwa nchini Uganda na Burundi.
Hali ya hewa ya El Nino imeanzishwa kama sababu ya mvua kubwa na mafuriko.
