Baada ya kufanya mkutano na viongozi wa Afrika, Korea Kusini imeonyesha kuwa inataka kuwafikia wapinzani wake China, Japan, Urusi na India ili kuongeza ushawishi wake miongoni mwa nchi za bara hilo kwa kuongeza uwekezaji na kuendeleza ushirikiano wa pamoja.
Kutoka tovuti ya Nation Africa, Korea Kusini ilifanya mkutano wa kwanza na wakuu wa nchi za Afrika jana (Jumanne) mjini Seoul ili kuongeza hadhi na kuimarisha uhusiano wa kiuchumi baina ya nchi hizo mbili.
Wakati China, Marekani, Urusi, Umoja wa Ulaya, India na Uingereza tayari zimepenya Bara la Afrika na kuanzisha nafasi katika uwanda huo, Naibu Waziri wa Mambo ya Nje wa Korea Kusini Chung Byung-won alitangaza kuwa nchi yake, kutokana na aliita “historia ya pamoja ya umaskini”, iko katika nafasi nzuri ya kufanya kazi na Afrika.
Zaidi ya wawakilishi 48 kutoka nchi za Afrika walishiriki katika mkutano wa jana nchini Korea Kusini, na takriban 25 kati yao walikuwa wakuu wa nchi za bara hili. Korea Kusini ni mwenyeji wa balozi 25 kutoka nchi za Afrika na imepanua uhusiano wake nazo katika kipindi cha miaka 30 iliyopita.
Kabla ya kufanya mkutano huu, Chong alisema: Miongoni mwa nchi zilizofanya mkutano na Afrika mapema, hakuna nchi ambayo imekuwa na historia ambayo Afrika na Korea zinashiriki. Kwa msaada wa kimataifa, Korea imeshinda vikwazo hivyo na kupata ukuaji mkubwa.
Alidokeza: Seoul inatazamia kufikia rasilimali kubwa ya madini barani Afrika, ambayo inaweza kusaidia mabadiliko ya nchi kuelekea teknolojia ya kijani kibichi. Wakati huo huo, soko linalokua la Afrika na mipango kabambe ya maendeleo inatoa njia za ukuaji na mseto wa mnyororo wa usambazaji wa Korea Kusini.
Akizungumzia nchi za Afrika, hususan Zambia, Naibu Waziri wa Mambo ya Nje wa Korea Kusini alisisitiza: Wakati Seoul inaongoza katika uzalishaji wa magari yanayotumia umeme na ina ushindani wa hali ya juu katika sekta za viwanda vya hali ya juu ikiwa ni pamoja na betri za upili, na ili kuimarisha ushirikiano nchi ya Zambia yenye utajiri mkubwa wa madini kama vile Shaba n.k.
