Katika mahojiano na mtandao wa habari siku ya Jumatatu, rais wa Ukraine alionya kwamba uwezekano wa vita vya tatu vya kidunia hauwezi kuepukika na kupuuzwa.
Kulingana na Huduma ya Kimataifa ya Shirika la Habari la Fars, Rais wa Ukrain Volodymyr Zelensky alisema kuwa Urusi ilianzisha vita kwa kuteka maeneo ya Ukraine.
“Vita hivyo viko nchini Ukraine pekee na havijahamishiwa Urusi,” aliiambia Al-Arabiya.
Zelensky aliongeza kwakusema: “Hatuchukui hatua zozote za kijeshi dhidi ya eneo la Urusi na vita katika maeneo yetu vilianza miaka 8 iliyopita.”
Rais wa Ukraine alisema kuwa nchi za Kiarabu zimeteseka kutokana na kuzingirwa kwa bandari za Ukraine na Urusi na kuzingirwa kwa Urusi kunadhuru usalama wa chakula wa kimataifa.
Alisema Urusi haina nia ya kuondoa mzingiro kwenye bandari za Ukraine na kwamba mzingiro huo utaongeza bei ya bidhaa za kilimo.
Zelensky aliongeza kuwa Urusi inataka kufunga njia zote za biashara za Ukraine.Alisema kuwa Ukraine ni nchi huru na haiko chini ya maagizo ya kigeni, na inakataa amri yoyote japo inakubali lugha ya mazungumzo tu.
Rais wa Ukraine aliongeza kwa kusema: “Tumedhamiria kukomboa maeneo yote ya Ukraine na Ukraine ni nchi isiyoegemea upande wowote na haina nia ya kujiunga na muungano wowote.”
Zelensky alisema Ukraine iko tayari kujadili suala la kutoegemea upande wowote na kwamba hilo litaambatana na masharti ya kuwepo kwa dhamana ya usalama.
“Mazungumzo na Urusi ni magumu kutokana na hatua za nchi hii, na wapatanishi wa Urusi hawana uwezo wa kuamua, na uamuzi wowote uko mikononi mwa Putin,” aliongeza.
“Sijazungumza na Putin tangu mwisho wa 2019, na ninataka kusitisha vita hivi ilikuzuia mauaji ya watu,” alisema.
Zelensky alisema baadhi ya marais wamemtaka aondoke madarakani, lakini bado amedhamiria kusimama na wananchi wa Ukraine.
Rais wa Ukraine aliongeza: “Siogopi Urusi, lakini nina wasiwasi zaidi juu ya mauaji ya raia.”
Aidha alionya kwamba uwezekano wa kuwepo kwa vita vya tatu vya dunia hauwezi kupuuzwa.
