Hujjatul Islam Ustad Syed Jawad Naqvi
(Mkuu wa shule Jamia Orwatul Wuthqa – Lahore)
Imetolewa: Msikiti wa Baitul Ateeq
Lahore – Pakistan
Hotuba ya 1: Ucha Mungu na tendo Muhimu zaidi kwa sasa ni kusaidia wahanga wa mafuriko
Ninawausieni nyinyi pamoja na kuiusia nafsi yangu kumcha Mwenyezi Mungu, na nawasisitizieni kuyasimamisha maisha yenu katika misingi ya Uchaji Mungu.
Tambueni kuwa ucha Mungu ni mjumuiko wa mipango na mikakati kutoka kwa Mwenyezi Mungu yenye kumlinda mwanadamu. Mikakati anayopaswa kutekeleza katika maisha yake ili apate kufanikiwa.
Na ikiwa maisha yatatoka kwenye mipaka ya ucha Mungu, basi yatakuwa ni maisha yaliyojaa ufasiki, uhuni, ukafiri na ukandamizaji. Maisha ambayo matokeo yake ni kuangamizwa kwa mwanadamu.
Misiba wanayopata watu kutokana na matendo yao wenyewe ni matokeo ya maisha bila ya ucha Mungu. Mwenyezi Mungu aliweka utaratibu huu mkamilifu ili kutukinga na siku hii ambayo hatuna pakukimbilia.
Hasa, wale ambao Mwenyezi Mungu aliwapa mpango huu ili waweze kuishi maisha ya ulinzi na kuendeleza mipango kwa ajili ya jamii nzima ya binadamu kuishi kwa usalama.
Hali ilivyo katika nchi ya Pakistani, tunamoishi kwa sasa, ni ya kusikitisha zaidi kuliko nchi nyingine yeyote, na raia wake hukumbwa na majanga zaidi kuliko watu katika nchi nyingine. Kwa mfano tukiangalia kipindi hiki cha sasa, sehemu kubwa katika nchi ya Pakistani inakabiliwa na mafuriko, na majimbo yote, isipokuwa baadhi tu yamezama kabisa.
Taifa ambalo lina maeneo yanayokumbwa na mafuriko, kwa haraka linahitaji taqwa. Tunawaona watu wakiwa wamepiga kambi kwenye vilima kwa siku nyingi bila chakula, wengine kwenye miti, wengine juu ya paa, na wengine kando kando ya barabara kuu.
Licha ya kuwa walitaokoa maisha yao, watu hawa walipoteza vitu vyao vyote vya thamani.
Wale waliokuwa na makazi ya muda pia wameyapoteza. Janga la hili lisilo chagua wala kubagua limeathiri jamii nzima, na katika hali hii, ni muhimu zaidi kufuata maamrisho ya Taqwa, ambayo yanakusudiwa kuunda mpango wa kulinda maisha ya mwanadamu.
Tunahitaji watu wacha Mungu watakao tuokoa kutokana na tishio la maisha katika taifa letu.
Hali ilivyo sasa hivi, ni matokeo ya kukosa ucha Mungu kwa viongozi, wabunge, wananchi na hata wafanyabiashara. Nchi ambayo mafuriko ni tatizo la mara kwa mara kwa sababu ya msimu wa masika; haya sio mafuriko ya kwanza; mafuriko yalikuwa tatizo hata kabla ya Pakistan kuundwa.
Kwa upande mmoja, Mwenyezi Mungu ameujaalia umma huu udongo wenye rutuba kwa ajili ya kilimo na mito inayotiririka kutoka milimani, lakini pia kuna sheria ya Mwenyezi Mungu inayosema kwamba mito hii pia inaweza kupata misukosuko. Ilikuwa ni wajibu wa wanaoipora taifa hili kuchukua hatua za kuzuia mafuriko.
Kwa nini hali hii imetokea sasa wakati mafuriko yanatokea kila mwaka? Hii ni kutokana na wahalifu ambao wametawala Pakistan kwa miaka 75 na kuharibu taifa bila kuweka masharti yoyote ya ulinzi wake.
Kuna sababu kadhaa zinazopelekea nchi kuwa salama, ikiwa ni pamoja na kujilinda dhidi ya milipuko na majanga mengine ya asili. Sisi hatuna mipango ya ulinzi kwa lolote kati ya haya. Na vipi tutakuwa na mipango hii? Wakati wale ambao wamehukumiwa kuwa wahalifu na mahakama, na ambao shughuli zao zimepokea shutuma nyingi, Wapakistani sio tu huwatazama bila kuwachukulia hatua wahalifu hawa lakini pia hujiunga nao.
Tutambue fika kuwa kila mtu ambaye amevipigia kura vyama hivi vya siasa vinavyotawala sasa anahusika katika uhalifu huu. Ingawa hakuna mtu anayefuatilia jinai hizi katika ulimwengu huu, Mwenyezi Mungu anaahidi kwamba atatulipizia kisasi chetu katika maisha ya baada ya kifo pia, wakati kila kitu kitakapowekwa wazi.
Tunachukulia jambo hili kama janga la asili, lakini ikiwa linatokea kila mwaka na hakuna mipango inayofanywa, ni sawa na uvunjaji wa sheria.
Mfano wa mambo haya unapatikana katika Sura Yusuf. Kwa bahati mbaya tulijishughulisha sana na rangi ya ngozi ya Yusuf na tukageuza hadithi ya maisha yake kuwa ya mapenzi. Ilhali mipango ya Yusuf ndiyo inayoipamba uzuri wake.
Yusuf aliilinda nchi yake kama vile alivyojilinda na Zulekha, licha ya kwamba watu wake hawa walikuwa waabudu masanamu wala sio waumini.
Wakati nchi ya Misri ilipokabiliwa na tishio la ukame, Yusuf, mtu mcha Mungu, alijitosa eneo la tukio na kufanya mipango mapema.
Alifanya maamuzi ya kukinga nchi kutokana na janga hili. Kwa sababu ni jambo lililowezekana kufanyaki, alipaswa kulifanya, lau kama Yusuf hakupanga, ingekuwa kosa. Ingekuwa ni haramu kwa mtu yeyote kumzuia Yusuf kutekeleza kitendo hiki.
Zaidi ya hayo, aliwalinda ndugu zake waliokuwa wamesafiri kutoka nchi jirani ya Kanani.
Hivyo basi inatupasa kutambua kuwa Mwenyezi Mungu amewajaalia wanadamu ufahamu ili waweze kupanga mipango ya kuzuia majanga au kujilinda yanapotokea.
Serikali zinapokuwa haziungi mkono taqwa, na hata umma pia hauungi mkono. Na pindi wanachuoni wakikosa Taqwa, watu watafuata mkondo huo, na na pindi watu watakapokosa Taqwa, watawala wao watafuata mkondo huo, na watawala hawa wataangamiza taifa zima.
Inakuwaje Waislamu walio wengi hawamchi Mungu katika maisha yao? Sisi Wapakistani tunadai kwamba tuna taqwa nyingi sana. Na kila tuendako, tunawasilisha taqwa.
Lakini Tunapouza bidhaa za bei ghali, tunazini, tunatumia lugha chafu, tunaharibu soko, tunaficha ukweli, kisha tunadhihirisha ucha Mungu. Hii ni Taqwa ya Banu Umayyah.
Ingawa hawakuwa wanyoofu, walikuwa stadi wa kuwahadaa wengine. Unaweza kuona kwamba waliwaibia Ahlulbayt (a) za mtume (s) na mfumo mzima wa maswaba zake.
Waliipindua dini, wakavuruga Ummah, wakabadilisha mkondo wa historia, na wakaharibu kila kitu katika Ummah. Mtume (s) aliashiria juu ya hatari hii na akaonya pindi watu kama hao wanakuwa watawala chaneni matumbo yao.
Banu Umayyah walisherehesha Taqwa kwa namna tofauti. Mwalimu mara nyingi, alikuwa akiwaambia wanafunzi wake “unapotaka kutumia Taqwa kwa ajili ya kuwahadaa watu basi itumie Taqwa ya Banu Umayyah.” Hii ina maana ikiwa wewe ni fisadi lakini kwa kusudi la kuwahadaa watu unajifanya Mcha Mungu. Tunalo jambo hili kwa wingi nchini Pakistan.
Waumini wanaotaka Taqwa wanapaswa kuwalinda wale wanaoteseka. Kila kitu katika maisha yao kimeharibiwa. Hata maji yakipungua bado maisha yao yatakuwa taabani. Huko Sindh kuna wahalifu wamesimama kwenye barabara kuu kupora magari ya misaada.
Maeneo ya mbali kuna watu wanasubiri waja wa Mwenyezi Mungu wafike huko kwa ajili ya kuwasaidia.
Kuna sheria muhimu katika Fiqh ya Shia. Wanachuoni hawawasilishi kanuni za Fiqh kama madaktari ambao hawatatoa mwongozo wa jumla wa matibabu kwa ajili ya dawa lakini wanataka wagonjwa watembelee kila mara.
Vile vile Wanachuoni wamefanya ukiritimba wa kutoonyesha kanuni za Fiqh kwa umma kwa ujumla. Kwa kuwa Quran ni ya kila mtu na hakuna hata sehemu moja ambayo ni maalum kwa kundi lolote la watu. Kuanzia imani ya Mungu mmoja hadi ufufuo kila kitu katika dini ni kwa ajili ya kila mtu.
Dini ambayo ni ya watu wa kawaida ina sheria na watu wakijua hivyo wanaweza kutatua matatizo mengi hata leo.
Jina la istilahi la Kanuni hii ya Fiqh ni “Aham na Muhim”. Ina maana ikiwa mambo mawili yatakuja katika maisha ya mwanadamu, moja ni muhimu na hitaji kubwa, na kuna kazi nyingine ambayo pia ni muhimu lakini si hitaji kubwa.
Kama vile unaondoka nyumbani, kipindi una ualishi wa kwenda katika Fateha ya mtu fulani, au kwenda kuwahi sala ya Ijumaa au kwenda kushiriki katika Majalis.
Na unapaswa kuchagua moja kwa kipaumbele, ambayo ama mke anamwambia au mtu mwingine atamwongoza. Wengine wamechanganyikiwa hadi wanafanya Istikhara kwa kurusha Tasbih.
Je, katika hali hii dini haijatuongoza tufanye nini? Je, dini imetuacha kwenye rehema ya Tasbihi? Je, hakuna vigezo vilivyowekwa na dini.
Wakati mambo fulani ambayo yote ni ya manufaa yanapokuja mbele na inabidi tuchague kimoja kisha tufanye nini. Natoa mfano wa mambo mawili mbele na hili ni tatizo la kila mtu leo.
Kama katika hali hii ya mafuriko tunachanganyikiwa iwapo tutumie Khums, Zaka kwa hili au la? Tunarejea kwa Mujtahid ili kupata hukumu.
Wakati hali kama hizi zinakuja Mujtahid wote wana kanuni ya kuona ni nini kilicho muhimu zaidi, ambacho kina madhumuni ya juu, umuhimu kwa akili, Mwenyezi Mungu na dini.
Katika mafuriko mamilioni huzama kwenye maji na kwa kuwa hakuna umeme au huduma zilizopo huko hatupati huduma kutoka huko. Lakini kwa sisi tunaoishi Lahore na maeneo mengine salama kutokana na mafuriko ni nini jukumu letu? Dini, akili, wanachuoni na Mujtahid wanasema nini? Unaweza kuona ni nini muhimu zaidi hapa.
Mwenyezi Mungu anasema katika Quran mtu ambaye ameokoa maisha moja ameokoa ubinadamu wote.
Kuna mistari mingi ambayo inazungumzia muhimu na muhimu zaidi. Ikiwa unataka kuokoa maisha au mali, basi unapaswa kuokoa maisha. Ikiwa itabidi kuokoa mnyama au mwanadamu, basi lazima uokoe mwanadamu. Akili zetu ni za kimadhehebu.
Tunawatafuta waumini pale walipo na tunawapita wengine njiani. Ubinadamu ndio kigezo na hata akiwa adui yako basi unawasaidia pia. Kwa sasa mahitaji ni kutoa upendeleo wa juu zaidi kwa waathiriwa wa mafuriko.
Wanazuoni wametoa mifano mbalimbali kwa kanuni hii. Kama unavyotembelea msikiti kuswali na unakuta msikiti ni najisi, basi hapa jukumu lako la kwanza ni kuusafisha msikiti ikiwa umesalia muda wa kuswali.
Usipofanya basi maombi yako ni batili. Leo tunafanya mambo mengi kama ndoa, kuhudumia chakula katika shughuli, mikusanyiko n.k, ambayo ni marufuku kufanya katika hali hii, wanazuoni wamefafanua kuwa huwezi kufanya hivi, kwanza unapaswa kufikia msaada wao.
Wanahitaji mgawo, madawa, chakula, msaada wa kisaikolojia. Msiba huu ni wa siku chache. Mwenyezi Mungu anasema tunaendelea kuzunguka kila kitu. Leo wale ambao ni watazamaji watakuwa wahasiriwa kesho.
Ingawa Mujtahid wametoa hukumu za kutumia pesa za Khums lakini hii haikuhitajika, wakati Aql inaposema kwamba tunapaswa kuwapa kipaumbele. Hakuna mambo mengine ya Mustahab yanayoweza kufanywa katika hali hii. Vijana wanaweza kutembelea maeneo hayo na kuwaunga mkono.
Jambo moja zaidi ni kutosaidia kujionyesha kwa kutengeneza selfies. Msaada ni kuokoa maisha. Wakati yupo Aham (muhimu zaidi) basi kuacha hili na kufanya jambo ambalo pia ni kazi nzuri haijuzu.
Kama mtu anakufa huko na wewe unasoma Quran. Kama Quran inavyosema baadhi ya wasomaji wa Quran ni wale ambao Qur’an imelaaniwa. Kuna baadhi ya watu wema ambao matendo mema haya yanawalaani kwamba huwezi kuona ni nini wajibu wako sasa.
Watawala wa Pakistan ni wahalifu na huwezi kutarajia wema wowote kutoka kwao. Ni uchunguzi wa wale wanaoteseka na pia ni mtihani kwetu ambapo Mwenyezi Mungu anataka kuona nini tunaweza kufanya.
Wengine wanafanya lakini hii ni kidogo sana na hii haiwezi kutatuliwa isipokuwa jamii nzima ijitokeze.
Tunapaswa kuwasaidia wahasiriwa hawa kutoka katika hali ya sasa na kuhakikisha kwamba msaada unawaendea baada ya shida pia ili waweze kutatuliwa tena.
Kwanza utimize hitaji la dharura na mafuriko yanapotokea basi fanya mipango ya kuwatengenezea nyumba za aina sawa. Mpaka wakati huo wapeni mahema. Tumejaribu kuwasaidia watu hawa lakini ilikuwa ndogo sana kama chura aliyekuwa akiupulizia moto wa Ibrahim.
Angalau hatuhesabiwi katika watu wasio na hisia. Sindh pia ina mafuriko lakini Baluchistan ndiyo inayoteseka zaidi. Mafuriko makubwa yameharibu kila kitu na hapa kuna haja ya watu wenye Taqwa kuwasaidia wanadamu.
Usiwe wa madhehebu, lakini tembelea sehemu ambazo zinahitaji sana. Mwenyezi Mungu awasaidie wahanga hawa na awajaalie waumini wa Pakistan kuwasaidia
Hotuba ya 2: Wapiga kura/wafuasi wa vyama vya kisiasa wote ni washiriki wa uhalifu wa wahanga wa mafuriko.
Leo hii maisha ya Wapakistani yako katika tishio na kuna haja ya taifa ambalo linapaswa kufanya mipango kwa ajili ya usalama wao. Hoja kubwa ya kuwasaidia watu hawa ni kwa sababu ni binadamu.
Tunaona Pakistani na nje ya Pakistan ambapo hata mnyama mmoja akiwa katika tishio watu huruka kumsaidia mnyama huyo. Kuna mipango iliyofanywa kwa ajili ya ulinzi wa wanyama wa kipenzi.
Waumini wengine wana mbwa nyumbani, wengine wana ndege, farasi, ng’ombe. Unafanya mipango yote ya kuwalinda. Kuhudumia wanyama chakula ni tendo jema. Leo maisha ya mwanadamu yamo hatarini.
Kuna watu zaidi ya 900 wamepoteza maisha katika mafuriko hayo na Mwenyezi Mungu awasamehe na awape subira familia yao. Wale ambao wameokoka wanakabiliwa na majanga makubwa zaidi kuliko wale waliokufa.
Tunaishi kwa raha na mbele yetu tunaweza kuona haya yote. Hii ni Taqwa ambayo ni mtihani kwa waathirika na kwetu sisi. Waathirika wanapaswa kuonyesha uvumilivu.
Wapo wengi wanaotumia vibaya hali kama hizi. Wahalifu, wanasiasa hufika maeneo mbalimbali kwa ajili ya kutafuta fedha. Serikali angalau itoe ulinzi kwa njia ambazo magari ya misaada yanaenda na kuporwa.
Wahasiriwa wana matumaini na Mwenyezi Mungu na uchunguzi huu utapita na ni uchunguzi wetu wa hisia zetu. Leo umma umezama kwenye maji na watawala wa kidemokrasia wamezama kwenye pombe na tamaa.
Hayo makundi ya kikanda, vyama vya siasa yako wapi? Wengine wanafurahia utawala wengine wanahuzunika kuhusu kupoteza mamlaka. Taifa limezama chini ya maji na wanaandaa mikusanyiko ya maandamano huku mamilioni ya watu wakitumika. Hawa waliolaaniwa hawakatishi mikusanyiko yao na watu pia hawawalaani.
Viongozi hawa wote wa chama wana helikopta binafsi. Mabepari wote hawa, mwanasiasa wana helikopta. Wanakuja kwa helikopta kufanya kazi kwa nguvu zao. Wanapeana helikopta yao kwa timu ya misaada ili waweze kufanya misaada kuwafikia watu waliozama kwenye maji.
Huenda Mwenyezi Mungu ameweka balaa hili ili kutikisa hisia zetu na kuona ni nani anayekuja kukusaidia, ambaye umempigia kura. Walio madarakani wamefanya nini? Najua jinsi jamii hii haina maana. Huko Sindh kulikuwa na uchaguzi wa manispaa ambao ulighairiwa. Walikuwa wanakuja kuomba kura.
Ikiwa uchaguzi haungefutwa, watu hawa wanaozama pia wangepiga kura kabla ya kufa. Je, hamuendelezi akili kuona wanachofanya hawa wanasiasa? Wakati wa misiba hisia huamka lakini je, watu hawa wanapata akili kwamba baada ya mafuriko tuende tena kuwapigia kura watawala wa aina hiyo? Ikiwa hatuna akili kiasi hiki basi Mwenyezi Mungu anasema unaweza kuzama.
Unyenyekevu wa hali ya juu unaonekana ambapo mtawala mmoja mbovu ambaye aliitwa kutoka nje na timu yake na kuleta uharibifu nchini, alikashifu kila kitu. Walitukana hata majeshi na hakuna aliyewahoji. Walipovuka mipaka ikabidi vikosi vimuasi na kumkamata. Wakati jamii inazama katika mafuriko, watu huko Lahore wanafikiria juu ya kiongozi huyu mwenye ghasia juu ya kile kinachotokea akiwa gerezani. Wahalifu wengi wako gerezani na wanashughulikiwa vivyo hivyo.
Mtu mkorofi anapata umuhimu sana? Hii ni ishara ya upumbavu na matokeo yake ni ghadhabu ya Mungu. Jamii ya Nuhu walizama baada ya miaka 900 hawakuweza kupata akili. Katika msiba huu angalau kukuza akili.
Wale ambao hawakuwa tayari kutembelea maiti za mashahidi wako. Nini kingetokea ikiwa haya yote yangeachwa na mahakama, upinzani, serikali na kuwafuata wahanga wa mafuriko.
Tazama jinsi walivyo wanyama, wakatili kwa kuwa hawana huruma kwa wahasiriwa wa mafuriko. Katika uchafu huu wanachuoni, mamufti nao wanahusika, basi hakika Mwenyezi Mungu atazama. Je, ilikuwa ni dawa gani kwa umma wa Nuhu isipokuwa hii. Lau kungekuwa na jambo jingine Mwenyezi Mungu angelifanya. Kitu kinapaswa kutuamsha?
Unaweza kuona majanga. Kila siku serikali inapandisha kodi, inapandisha bei. Nchi nzima imezama na hakuna umeme na wameongeza ushuru. Watazama, watakufa lakini jumuiya hii isiyo na maana haitaamka.
Njoo fahamu na uelewe tabia hii kuhusu kile kinachotokea. Makadirio yangu ni kwamba karibu helikopta 500 zipo na majambazi hawa. Wakitoa hata 100 waathirika wote wanaweza kusaidiwa.
Tunasambaza ujumbe wa mzozo huu. Waumini wanafanya hivi juu yake. Kisha katika hali hii tunaweza tu kupata hasira. Tunapaswa kujitenga na wahalifu hawa.
Huyu mkorofi hawezi kuahirisha mkusanyiko mmoja, haongei hata neno moja kwa wahanga wa mafuriko. Mwenyezi Mungu ailinde Pakistan na majanga haya na pia wahalifu hawa wafisadi.
