Kituo cha Mafunzo ya Wafungwa wa Palestina kilitangaza kuwa, utawala wa Kizayuni umewanyima makumi ya watoto wa Kipalestina haki ya kupata elimu katika Ukingo wa Magharibi unaokaliwa kwa mabavu kwa kuwatia mbaroni na kuwekwa kizuizini nyumbani.
Kituo cha Mafunzo ya Wafungwa wa Palestina kilitangaza Jumamosi kuwa, utawala wa Kizayuni umewanyima makumi ya watoto wa Kipalestina haki ya kusoma na kuhudhuria mwaka mpya wa shule katika Ukingo wa Magharibi unaokaliwa kwa mabavu kwa kuwatia mbaroni na kuwekwa kizuizini nyumbani.
Duru za habari zinasema kuwa, Kituo cha Mafunzo ya Wafungwa wa Palestina kilitangaza kuwa, mamlaka ya utawala wa Kizayuni iliwakamata watoto 170 wa shule na kuwazuia kujiunga na shule hiyo na kukutana na wanafunzi wenzao. Hii inaonyesha hali mbaya ya watoto katika jela za utawala wa Israel.
Riyad al-Ashqar, mkurugenzi wa taasisi hii, alisema kuzuiliwa sio sababu pekee inayowazuia wanafunzi wa Kipalestina kujiunga na mwaka mpya wa masomo, lakini kesi nyingine ni kifungo cha nyumbani.Kulingana naye, wanafunzi wasiopungua 70 wa shule wako chini ya kizuizi cha nyumbani.
Utawala wa Kizayuni umetoa zaidi ya hukumu 255 za kifungo cha nyumbani dhidi ya Wapalestina ambao wengi wao ni watoto huko Jerusalem pekee.
Katika hatua nyingine, makumi ya wagonjwa wa saratani walifanya maandamano katika Ukanda wa Ghaza katika siku zilizopita ili kuulazimisha utawala wa Kizayuni kuruhusu dawa za wagonjwa wa saratani kuingia eneo hili kutoka Palestina.
