Waziri Mkuu wa utawala wa Kizayuni akijibu kuhusiana na filamu hiyo iliyotolewa kuhusu wafungwa wa Kizayuni katika Ukanda wa Ghaza amesema kuwa, hivyo ni vita vya kikatili vya kisaikolojia vinavyofanywa na kundi la Hamas.
Siku ya Jumatatu jioni, Waziri Mkuu wa Israel Benjamin Netanyahu alitoa maoni yake kuhusu filamu iliyotolewa kuhusu wafungwa wa Kizayuni katika Ukanda wa Gaza.
Waziri Mkuu wa utawala wa Kizayuni alisema: “Hivi ni vita vya kikatili vya kisaikolojia vya Hamas.”
Netanyahu aliongeza: “Tutafanya kila tuwezalo kuwarudisha watu wote waliotekwa nyara na waliopotea.”
Siku ya Jumatatu, idadi ya wafungwa wa Kizayuni katika Vikosi vya Al-Qassam – tawi la kijeshi la harakati ya Hamas – walituma ujumbe wa video kwa Waziri Mkuu Binyamin Netanyahu na baraza lake la mawaziri.
Mmoja wa wafungwa hao akasema: Turudisheni sasa. Netanyahu ameshindwa kisiasa na kijeshi, na tunamwomba awarudishe wafungwa wote mara moja.
Shirika la habari la SAMA lilimnukuu mfungwa huyu wa Israel na kuripoti kwamba siku mbili zilizopita, kulikuwa na mazungumzo kuhusu kusitisha mapigano na kuachiliwa kwa wafungwa wote, lakini Netanyahu alirudi nyuma.
Alisema kwamba “tumekuwa mateka tangu Oktoba 7 kwa sababu ya kushindwa kwenu (Netanyahu na mamlaka ya Kizayuni)”, na akasisitiza: Acha vita haraka iwezekanavyo.
Mwishowe, mfungwa huyu wa Kizayuni alimwambia Netanyahu: Ulipaswa kutuweka huru sisi sote. Tunawajibisha kwa kushindwa huku. Sisi ni mateka na katika hali mbaya. Mnamo tarehe 7 Oktoba, jeshi halikuwa kazini. Unataka kutuua.
“Daniel Hagari”, msemaji wa jeshi la utawala wa Kizayuni alisema katika mkutano na waandishi wa habari kwamba familia za wafungwa 239 ambao wanashikiliwa na Hamas huko Gaza zimefahamishwa kuwa jamaa zao wanashikiliwa na Hamas.
Aliendelea kusema kuwa, idadi kubwa ya wafanyakazi wa kigeni wa kutoa misaada pia ni miongoni mwa wafungwa wa Hamas, na mamlaka ya utawala wa Kizayuni pia imebaini watu 40 ambao hapo awali walitambuliwa kuwa walitoweka.
