Katika kumnukuu afisa mmoja wa idara ya Hospitali ya Al-Shifa, AFP iliripoti siku ya Alhamisi ya kwamba mkuu wa jengo hilo la matibabu alitiwa mbaroni na maafisa Wakizayuni akiwa pamoja na madaktari wengine wakuu.
Vyanzo vya habari vya ndani vimetangaza kuhusu kukamatwa kwa mkuu wa hospitali ya “Al-Shifa”, ambayo ni jengo kubwa zaidi la matibabu katika Ukanda wa Gaza.
“Dk. Muhammad Abu Salmiya alikamatwa pamoja na madaktari wengine kadhaa wakuu,” AFP iliripoti, ikimnukuu mmoja wa maafisa wa idara za hospitali ya Al-Shifa.
“Khaled Abu Samrah”, meneja wa idara moja ya Hospitali ya Al-Shifa, alilieleza shirika la habari la AFP kwamba vikosi vya Kizayuni viliwakamata watu hao leo.
Katika siku zilizopita, utawala wa Kizayuni ulidai kuwa Hamas inatumia hospitali kama vituo vya amri na udhibiti ili kuhalalisha jinai zake katika mashambulizi dhidi ya hospitali za Ghaza.
Hamas na wahudumu wa afya katika hospitali iliyotajwa mara kwa mara wamekataa madai ya utawala wa Kizayuni kuhusu matumizi ya kijeshi ya hospitali hii. Wiki iliyopita, gazeti la Guardian lilimnukuu daktari wa Uingereza anayefanya kazi katika hospitali hii akisema kuwa madai ya Israel ni “kisingizio cha ajabu”.
Katika suala hili, “Vasily Nebenzia”, mwakilishi wa Urusi katika Umoja wa Mataifa, Jumatano alikataa madai ya Wazayuni juu ya uwepo wa Hamas na wapiganaji wa upinzani katika hospitali na vituo vya matibabu vya Ukanda wa Gaza.
