Vyombo vya habari vimetangaza leo kwamba hatima ya mtoto wa Kipalestina mwenye umri wa miaka 6 aliyezingirwa na vifaru hatimaye imejulikana baada ya siku 12.
Mnamo (Jumamosi, Februari 10), mama wa msichana wa Kipalestina mwenye umri wa miaka 6, Hind Rajab, baada ya siku 12 za kutojua hatima yake, alipokea mwili wake. Kwa mujibu wa wahudumu wa misaada hiyo, “Nimechoka, nataka kulala” ilikuwa sentensi ya mwisho ambayo mtoto huyo wa Kipalestina aliitoa, na baada ya hapo mawasiliano naye yakakatika.
Mama wa mtoto huyu wa Kipalestina hapo awali alisema kuwa kutokana na mvua kubwa, aliwapeleka Hind na dada yake Lian katika gari pamoja na jamaa zake, kisha baadae wakazingirwa na vikosi vya Israeli.
Kulingana na ripoti ya vikosi vya uokoaji, tanki la Israeli lilifyatua risasi kwenye gari la familia ya Kihindi siku 12 zilizopita, ambapo watu 5 wa familia hii waliuawa isipokuwa yeye na dada yake Lian, na wote wawili walibaki ndani ya gari wakiwa wamezingirwa. kwa mizinga ya Israel.
Dada ya Hind mwenye umri wa miaka 15, Lian, katika mda flani alipiga simu kwenye shirika la Red Crescent na kuomba msaada kutokana na hofu waliokua nayo, lakini muda mfupi baadaye, mlio wa risasi ulisikika kwenye simu, na ikawa wazi kwamba yeye pia ameuawa.
Shirika la Red Crescent lilitangaza kuwa gari hilo lilizungukwa na mizinga ya Israeli katika kitongoji cha Tel El-Havi kilichopo kusini magharibi mwa mji wa Gaza na haingewezekana kupatikana kwa msaada wa aina yeyote.
Tukio hili la kuwalenga Hind na wenzake lilisababisha watumiaji wengi wa mitandao ya kijamii duniani kutaka kujua zaidi kuhusu hali yake hususan baada ya kukatisha kabisa mawasiliano na waokoaji kutoka kwenye shirika la Red Crescent ya Palestina wakiwa ni Youssef Zeino na Ahmed Al-Madhoun.
Asubuhi ya leo vyombo vya habari vilitangaza kuwa hatima ya mtoto huyu wa Kipalestina imebainika.
