Mbali na hilo, amewataka pia kufanya dua ya Qunut katika sala zote tano kumuomba Mungu aliepusha Taifa hilo dhidi ya balaa hilo.
Akizungumza leo Alhamisi Mei 20, 2021 Mufti wa Tanzania, Sheikh Abubakar Zuberi amesema vitendo vinavyofanywa na Israel huko Palestina vinakwenda kinyume na misingi ya haki za binadamu, pia vinapingana na misingi ya dini duniani ikiwemo Ukristo na Uislamu.
“Bakwata tunatoa tamko la kulaani vitendo vya kinyama na uadui vinavyofanywa na Israeli katika ardhi ya Wapalestina vinavyogharimu maisha ya watu wasiokuwa na hatia,” amesema Sheikh Zuberi katika mkutano wake na waandishi wa habari ofisini kwake jijini Dar es Salaam.
Aidha kutokana na vitendo hivyo Mufti ameitaka jumuiya ya kimataifa kuchukua hatua husika kusitisha mvutano huo.
