Katibu Mkuu wa Baraza la Ushirikiano la Ghuba ya Uajemi amekaribisha taarifa ya pande tatu kati ya Iran, Saudi Arabia na China kuhusiana na kurejeshwa kwa uhusiano wa kidiplomasia kati ya Riyadh na Tehran.
Kwa mujibu wa ripoti, Jassem Al-Badawi, Katibu Mkuu wa Baraza la Ushirikiano la Ghuba ya Uajemi ameeleza matumaini yake kuwa, kurejea tena uhusiano kati ya Tehran na Riyadh kutasaidia kuimarisha usalama na amani ya kimataifa.
Al-Badawi alishukuru juhudi za Oman na Iraq za kuandaa mikutano ya mazungumzo ya zamani kati ya pande hizi mbili, pamoja na juhudi za China na uenyeji wake wa mazungumzo haya, ambayo yalisababisha kurejeshwa kwa uhusiano wa kidiplomasia kati ya Saudi Arabia na Iran. .
Kufuatia kutangazwa kwa makubaliano kati ya Iran na Saudi Arabia ya kurejesha uhusiano wa kawaida, nchi nyingi za Kiarabu na kimataifa zilitangaza kuunga mkono makubaliano haya.
