Mjumbe wa ofisi ya kisiasa ya Hamas, Harun Naser al-Din, aliyaomba mataifa ya Kiarabu na Kiislamu kushiriki katika matembezi hayo ya kutangaza uungaji mkono kwa wananchi wa Palestina dhidi ya hatari ya kuandamana kwa bendera za Israel huko Quds.
Harakati maarufu ya vijana mjini Jerusalem pia iliwataka wananchi kunyanyua bendera ya Palestina katika maeneo yote ya Wapalestina ikiwa ni ishara ya kupinga kufanyika kwa maandamano ya bendera za Israel.
Kwa kuchapisha taarifa kwa utawala wa Kizayuni, harakati hii ilitangaza kwamba mamlaka ya utawala huo juu ya Jerusalem ni dhana tu na kwamba mji huu daima ni wa Kiislamu wa Kiarabu.
Kitendo chenye utata cha “matembezi ya bendera” au “ngoma ya bendera” katika kalenda ya Kiebrania ni sawa na kumbukumbu ya kukaliwa kwa mabavu Jerusalem Mashariki na utawala wa Kizayuni. Utawala huu uliikalia kwa mabavu Jerusalem Mashariki tarehe 7 Julai 1967 na kuiita siku hiyo “Siku ya Yerusalemu” (Siku Takatifu), lakini kwa mujibu wa kalenda ya Kiebrania, siku hii mwaka huu ni sawia na kesho (Alhamisi/28 Mei).
