Siku ya Ijumaa asubuhi, waumini 50,000 walifanya maombi ya jamaa kuwaunga mkono mashahidi wa upinzani wa Jenin na Palestina katika Msikiti wa Al-Aqsa juu ya miili yao wakati wa hafla nzuri.
Baada ya kuuombea uhuru Palestina na Msikiti wa Al-Aqswa ambao hivi sasa unavunjiwa heshima na kuwekewa vikwazo waumini wake, waumini hao wa Kipalestina walipiga nara za kuunga mkono Al-Quds na Msikiti wa Al-Aqswa dhidi ya kudhalilishwa kwa Wazayuni.
Muqawama wa mashahidi wa Kipalestina unaonyesha udhaifu wa mfumo wa usalama na kutokuwa na uwezo wa baraza la mawaziri lenye itikadi kali la Netanyahu, ambalo linatenda jinai dhidi ya Wapalestina ili kufidia mgogoro wake wa ndani.
Mbali na hayo, utawala wa Kizayuni umeweka vizuizi vingi kuzunguka msikiti huo, ukihofia kuwepo kwa operesheni za muqawama za watu binafsi katika kukabiliana na mivutano ya utawala huo dhidi ya Wapalestina wa kaskazini mwa Ukingo wa Magharibi wa Mto Jordan.
Amjad Abu Asab, mtaalamu wa masuala ya Quds amesema katika mahojiano na ripota wa Al-Alam: “Hata iwe utawala unaokalia kwa mabavu utafanya nini, wananchi wa Palestina hawatapoteza umoja wao.”
Mwanaharakati huyo wa kisiasa “Firas Al-Dabs” pia alisema: Ukiukaji na uvunjifu wa heshima unaoendelea zaidi na zaidi katika Msikiti wa Al-Aqswa unaonyesha kuwa Quds na Msikiti wa Al-Aqswa hivi karibuni zitashuhudia matukio muhimu.
Ikumbukwe kuwa, makundi ya kitaifa na ya Kiislamu ya Palestina hapo awali yalidai siku ya Ijumaa itangazwe kuwa siku ya ghadhabu na uhamasishaji wa wote dhidi ya wavamizi na walowezi waharibifu.
