Kurejea kwa Bashar al-Assad katika mkutano wa kilele wa Jumuiya ya Nchi za Kiarabu kumeleta hasira na kutamaushwa kwa maafisa wakuu wa utawala wa Kizayuni.
Kwa mujibu wa gazeti la Yediot Ahronot, wakati huo huo Rais Bashar Assad wa Syria alipojitokeza tena miongoni mwa viongozi wa Jumuiya ya Nchi za Kiarabu, vyombo vya habari vya utawala wa Kizayuni vilitangaza kufanyika kwa kikao maalum cha Baraza la Mawaziri kwa ajili ya kupitia matukio hayo na kuandika kuwa mashambulizi ya Wazayuni dhidi ya Syria yataendelea.
Katika mkutano uliotajwa hapo juu, waziri wa vita wa Israel alishutumu serikali za Kiarabu kwa “udhaifu wa kimaadili usio na kifani” kwa Bashar al-Assad.
Kurejeshwa kwa uhusiano kati ya Saudi Arabia na Iran na uwezekano wa Uturuki kuwa karibu na Syria ni matukio mengine yanayotia wasiwasi utawala wa Kizayuni. Matukio mawili ambayo yanafuatwa kwa kukata tamaa na mamlaka ya Kizayuni.
Baadhi ya viongozi wa utawala wa Kizayuni wamedai kuwa Jumuiya ya Nchi za Kiarabu ni taasisi ambayo imepoteza nafasi yake kwa muda mrefu na haina umuhimu wowote ili kupunguza matukio ya hivi karibuni katika eneo hili.
Hata hivyo, kurejea Syria katika Jumuiya ya Nchi za Kiarabu kunaweza kuharibu uhuru wa kuchukua hatua ambao utawala wa Kizayuni ulizingatia katika kuishambulia Syria kwa muda mrefu. Pia inaonekana Syria itaendelea kushirikiana na Iran katika kuunga mkono Hezbollah ya Lebanon.
Baraza la Mawaziri la utawala wa Kizayuni na Waziri wa Vita wa Israel, kwa kukaa kimya mbele ya ripoti hii, wamethibitisha kwa udhahiri ukweli wake.
Katika kujitokeza kwake kwa mara ya kwanza katika Jumuiya ya Nchi za Kiarabu baada ya miaka 12, Bashar Assad alitoa hotuba kwenye mkutano wa kilele wa Jumuiya ya Nchi za Kiarabu mjini Jeddah jana, na kufanya mikutano tofauti na Mohammed bin Salman, Mwana Mfalme wa Saudia, na na baadhi ya viongozi wa nchi wanachama wa Ligi.
Vyombo vya habari vya utawala ghasibu wa Israel viliangazia maingiliano mazuri na ya dhati ya viongozi hao na rais wa Syria.
