Umoja wa Ulaya ulieleza kusikitishwa kwake na hatua ya utawala wa Kizayuni kumzuia “Ana Miranda”, mwakilishi wa Uhispania wa Bunge la Ulaya kuingia katika ardhi zinazokaliwa kwa mabavu, na ukaichukulia hatua hiyo ya Waisraeli kuwa ni kuutukana Umoja huo.
“Nabileh Misrali”, msemaji wa mambo ya nje wa Umoja wa Ulaya, katika mazungumzo na waandishi wa habari, alieleza masikitiko yake juu ya kufukuzwa kwa Miranda licha ya kuwa na kibali rasmi cha kuingia katika maeneo yanayokaliwa kwa mabavu na kueleza kitendo hicho kuwa cha kukatisha tamaa.
Ameongeza kuwa: Heshima kwa Bunge la Ulaya na wajumbe wake wote ni muhimu ili kuanzisha uhusiano mzuri kati ya Umoja wa Ulaya na Israel.
Ana Miranda, mjumbe wa Uhispania katika Bunge la Ulaya, amekitaja kitendo cha utawala wa Israel kuwa ni “tusi la kidiplomasia” na “kutoheshimu Bunge la Ulaya” katika akaunti yake rasmi ya Twitter.
Miranda aliwasili kwenye Uwanja wa Ndege wa Ben-Gurion huko Tel Aviv Jumatatu jioni na ujumbe wa uhusiano na Palestina katika Bunge la Ulaya. Lakini utawala wa Kizayuni ulimzuia kuingia katika ardhi zilizokaliwa kwa mabavu. Mbunge huyu wa Bunge la Ulaya alilazimika kurejea Madrid saa tano asubuhi.
Hadi sasa utawala wa Kizayuni haujatoa maelezo kuhusu hatua hiyo dhidi ya mwakilishi wa Uhispania wa Bunge la Ulaya.
