Makao Makuu ya Usimamizi wa Ajali na Matukio Yasiyotarajiwa ya Uturuki yametangaza Alhamisi hii asubuhi kwamba idadi ya hivi punde ya waliofariki kutokana na tetemeko baya la ardhi nchini humo, imefikia 12,873.
Kwa mujibu wa mtandao wa “TRT” wa Uturuki, makao makuu ya usimamizi wa majanga ya Uturuki yametangaza kuwa idadi ya wahanga wa tetemeko la ardhi kusini mwa nchi hiyo imefikia 12,873 na idadi ya waliojeruhiwa imefikia 62,937.
Makao makuu haya yameongeza: Tangu tetemeko la ardhi la kwanza litokee Jumatatu asubuhi, mitetemeko 1117 imetokea nchini Uturuki.
Rais wa Uturuki Recep Tayyip Erdogan alitangaza Jumatano jioni kwamba majengo 6,444 yaliharibiwa na tetemeko la ardhi.
Tetemeko kubwa la ardhi lilitikisa kusini mwa Uturuki na kaskazini mwa Syria Jumatatu asubuhi. Wakati wa tetemeko hili la ardhi lenye ukubwa wa 7.8 kwa kipimo cha mawimbi ya ndani ya ardhi (Richter) saa 04:17 asubuhi, uharibifu mkubwa ulifanyika kwenye majengo na timu za uokoaji na upekuzi zinaondoa uchafu na kuwaokoa wale ambao wamenaswa chini ya uchafu. .
Kufuatia tetemeko hili la ardhi, Rais wa Uturuki Erdogan alitangaza wiki ya maombolezo ya umma nchini humo.
Nchi nyingi za dunia zilionyesha huruma na mshikamano na serikali na watu wa Uturuki na Syria.
