Khizr Habib, ambaye ni mmoja wa viongozi wa harakati ya Jihad Islami (Jihadi ya Kiislamu) amesema kuwa, matembezi hayo ya bendera ni mpango wa Kizayuni wa kufanyia Uyahudi Al-Quds na Msikiti wa Al-Aqsa, hivyo wananchi wa Palestina wanapaswa kukabiliana na mpango huo.
Katika mazungumzo yake katika kipindi cha “Ma’hadath” cha Mtandao wa Habari wa Al-Alam, Khizr Habib amesema kuwa, utawala wa Kizayuni unajaribu kulazimisha mpango wa Kizayuni wa kutangaza mamlaka kamili ya Jerusalem kwa taifa la Palestina kwa kisingizio cha “maandamano ya bendera”.
Ameongeza kuwa, mpango mkuu wa utawala wa Kizayuni ni kuuharibu Msikiti wa Al-Aqsa na kujenga hekalu lake la kufikirika.
Khizr Habib alisisitiza kuwa taifa la Palestina lazima likabiliane na mpango huo.
Kiongozi wa harakati ya Jihad ya Kiislamu amebainisha kuwa, suala la kuhujumu Jerusalem na Msikiti wa Al-Aqsa linawahusu wananchi wote wa Palestina.
Khizr Habib aidha ameeleza kuwa, muqawama wa Palestina unasimama kinyume na mpango wa Uzayuni na umefanya operesheni nyingi dhidi ya utawala huo ghasibu, ikiwa ni pamoja na operesheni ya “Kisasi cha Walio Huru” ili kulipiza kisasi cha damu za makamanda na wanawake sita wa muqawama wa Palestina. nje.
Ameashiria kuwa, utawala wa Kizayuni umekiuka makubaliano na mikataba yote na unaendeleza vitongoji vya walowezi wa Kizayuni bila ya kuzingatia makubaliano ya Oslo kati ya utawala huo na jumuiya zinazojitawala.
