Idadi ya mashahidi wa Kipalestina wa uvamizi wa utawala wa Kizayuni katika Ukanda wa Ghaza imeongezeka hadi 30 tangu Jumanne iliyopita, sita kati yao ni watoto na watatu ni wanawake.
Kuendelea kwa mashambulizi ya wapiganaji wa utawala wa Kizayuni katika maeneo ya Ghaza kumeleta majibu ya kombora kutoka kwa wapiganaji hao wa muqawama. Vyombo vya habari vimeripoti kuwa ving’ora vya tahadhari vilisikika katika vitongoji vya walowezi wa Kizayuni karibu na Ghaza, na vilevile katika mji wa Tel Aviv katikati mwa Palestina inayokaliwa kwa mabavu.
Redio ya jeshi la utawala unaoikalia kwa mabavu wa Quds, ikinukuu duru za kidiplomasia, ilitangaza kusimamisha miito yote kuhusiana na usitishaji vita. Jeshi la Israel lilitangaza kuwa zaidi ya makombora 800 yamerushwa kutoka Gaza tangu kuanza kwa vita hivyo.
Wakati huo huo, Msemaji wa Brigedi za Quds, tawi la kijeshi la harakati ya Jihad ya Kiislamu ya Palestina amewatahadharisha Wazayuni kwamba, njia ya muqawama haitazimwa na operesheni yoyote ya kigaidi na kwamba tumeazimia kukabiliana na adui Mzayuni katika mazingira ya Operesheni ya kulipiza kisasi ya Azadegan.
Abu Hamzah alisema kuwa wapiganaji wa upinzani wako tayari kupanua wigo wa mapigano maadamu vita vinaendelea.
