Vyombo vya habari vya Kizayuni viliripoti jana usiku kuwa kuna tofauti ya mitazamo katika baraza la mawaziri la vita la utawala wa Kizayuni kuhusiana na makubaliano mapya ya kubadilishana wafungwa.
Kwa mujibu wa shirika la habari la Sama la Palestina, Kanali 13 ya utawala wa Kizayuni iliripoti kuwepo hitilafu katika baraza la mawaziri la vita la utawala wa Kizayuni kuhusiana na makubaliano mapya ya kubadilishana wafungwa na Hamas.
Kulingana na ripoti hii, Benny Gantz, mjumbe wa Baraza la Mawaziri la Vita, anaamini kwamba (utawala wa) Israel unapaswa kupata fursa ya kuendeleza mchakato wa mazungumzo tena.
Kwa upande mwingine, Waziri wa Vita Yves Gallant na Waziri Mkuu wa utawala wa Kizayuni Benjamin Netanyahu wanaamini kwamba tunapaswa kusubiri ishara kutoka kwa Hamas kwamba kundi hili lina nia ya makubaliano ya kubadilishana wafungwa, ambayo hayajafanyika hadi sasa.
Pia, David Barnia, mkuu wa Mossad, amependekeza kwenda Doha, Qatar, kuendeleza makubaliano ya kubadilishana wafungwa.
Hapo awali Redio ya Jeshi la Kizayuni ilitangaza kuwa, Baraza la Mawaziri la Vita vya Kizayuni litafanya kikao usiku wa leo katika mkesha wa safari ya Jack Sullivan, Mshauri wa Usalama wa Taifa wa Marekani.
Hapo awali, Osama Hamdan, mmoja wa viongozi wa Harakati ya Muqawama wa Kiislamu ya Palestina (Hamas), alisema kuwa vita lazima vikome kabla ya makubaliano yoyote ya kubadilishana wafungwa.
Utawala wa Kizayuni ambao ulielekea Ghaza kwa lengo la kuyaangamiza makundi ya muqawama wa Palestina likiwemo Hamas na kuwaachia huru wafungwa wake, haukuweza kufikia malengo yake baada ya jinai za wiki kadhaa katika eneo hili na kugeukia mazungumzo na muqawama huo.
Ubadhirifu wa Tel Aviv katika mpango wa kubadilishana wafungwa ulipelekea kufeli mazungumzo hayo na hatimaye kuanza tena jinai za utawala wa Kizayuni wa Ghaza.
Siku ya Ijumaa asubuhi (tarehe 10 Desemba), baada ya kusitishwa kwa muda mapigano huko Gaza, jeshi linalokalia kwa mabavu la Israel lilianza tena kushambulia kwa mabomu kizuizi hiki na kuwauwa shahidi mamia ya Wapalestina.
