Waziri wa Mambo ya Nje wa Marekani Anthony Blinken alielezea kuhusiana na maendeleo ya uhalalishaji wa uhusiano kati ya Iran na utawala wa Kizayuni.
Waziri wa Mambo ya Nje wa Marekani alisema katika mkutano na waandishi wa habari hapo jana Alhamisi pamoja na Sameh Shoukry, mwenzake kutoka nchini Misri wakiwa mjini Cairo: Ninaamini tunaweza kufikia makubaliano ambayo yataleta fursa ya kihistoria kwa pande zote mbili (Arabia na Israel) na kwa eneo zima.
Ameongeza kuwa: “Tunakaribia mahali ambapo tutafikia makubaliano kuhusu kuhalalisha uhusiano kati ya Saudi Arabia na Israel, lakini wakati huo huo, hatuwezi kuchora ratiba ya jambo hili.”
Akisisitiza kwamba mpango wa kurekebisha uhusiano kati ya Saudi Arabia na Israel umekuwa ajenda kwa umakini kwa miezi kadhaa kabla ya kimbunga cha Al-Aqsa, Blinken alibainisha kuwa sasa inaweza kusemwa kuwa maendeleo mazuri sana yamepatikana katika uwanja huu katika mwezi uliopita. .lakini bado tunahitaji kufanya kazi katika suala hili, lakini kwa ujumla maendeleo ni mazuri na ya kweli.
Aliongeza: “Kuna masuala machache tu yaliyosalia ambayo ni lazima yatatuliwe na Marekani na Saudi Arabia ili kufikia makubaliano haya.”
Afisa wa ngazi za juu wa Wizara ya Mambo ya Nje ya Marekani alisisitiza mwezi uliopita wa Januari kwamba suala la utatuzi wa mataifa mawili ya Palestina na Israel limekuwa suala lisiloweza kujadiliwa kwa maoni ya Mrithi wa Kiti cha Ufalme wa Saudia Mohammed bin Salman.
Pia, Marekani imewajulisha Waisraeli kwamba hakuna suala la kurejea kabla ya Oktoba 7, na Waisraeli wanaamini kwamba wanaweza kufikia makubaliano na Saudis bila maendeleo makubwa kuhusu kuundwa kwa taifa huru la Palestina.
