Majeshi ya muqawama wa Palestina yamekabiliana nao kufuatia mashambulizi makubwa ya jeshi la utawala wa Kizayuni katika miji ya Nablus na Jenin katika Ukingo wa Magharibi wa Mto Jordan mnamo Jumamosi asubuhi.
Kwa mujibu wa ripoti za vyanzo vya Palestina, mwanajeshi kijana wa vikosi vya muqawama amejeruhiwa katika mapigano makali ya silaha ya vikosi vya upinzani alfajiri ya leo, yaliyotokea jirani na kambi ya Jenin katika Ukingo wa Magharibi wa Mto Jordan.
Wakati huo huo, Hospitali ya Ibn Sina huko Palestina ilitangaza kwamba kijana mmoja alijeruhiwa katika eneo la mkono wa kulia kutokana na risasi iliyopigwa na vikosi vilivyovamia na kuhamishiwa katika hospitali hii.
Duru za ndani pia zimeripoti kuwa mapigano makali ya silaha yalitokea kati ya vikosi vya upinzani na wanajeshi wa utawala unaokalia katika mji wa Sileh al-Harithiya magharibi mwa Jenin (karibu na kambi ya Jenin).
Kufuatia makabiliano kati ya vikosi vya upinzani na vikosi vya kukalia vilivyoshambulia kambi ya Jenin, vikosi vilivyovamia vililazimika kurudi kwenye mji wa Borqin.
Vikosi hivyo vya muqawama pia viliwafyatulia risasi Wazayuni katika kambi ya Askar iliyoko mashariki mwa mji wa Nablus na kukabiliana nao.
Vyanzo vya habari vya ndani vilitangaza kwamba wanajeshi wa Israel walimkamata Yasin Taha Qatnani, kaka yake shahidi Ashrakat Qatnani, katika shambulio dhidi ya kitongoji cha al-Masaken mashariki mwa Nablus, na mwishowe wakatoroka kabisa kutoka eneo hili.
