Jeshi la utawala wa Kizayuni lilifanya mazoezi ya kijeshi katika mipaka ya Palestina na Lebanon inayokaliwa kwa mabavu huku Waziri Mkuu na Waziri wa Vita wa utawala huo akionekana katika vitongoji kadhaa
Msemaji wa jeshi la Kizayuni amesema: Mazoezi haya ya kijeshi yalifanyika kwa kuzingatia mipango ya awali na ndani ya fremu ya mazoezi ya kila mwaka.
Waziri Mkuu Benjamin Netanyahu na Waziri wa Vita Yoav Galant wa Baraza la Mawaziri la Netanyahu waliwasili katika eneo wakati huo huo wa mazoezi ya kijeshi na kusasishwa na habari, shughuli, vitisho na changamoto za jeshi la Kizayuni katika eneo la kaskazini kutoka mipaka ya Lebanon na Syria.
Katika ziara hiyo, Netanyahu alisema: Adui wetu mkuu ni utawala wa Iran na washirika wake huko Syria na Lebanon.
Akiendelea na matamshi yake dhidi ya Iran, ameongeza kuwa: “Tumedhamiria kukabiliana na juhudi za Iran za kuunda silaha za nyuklia za Iran.”
Waziri Mkuu wa Utawala wa Kizayuni ameongeza kuwa: Ni lazima tuzuie jaribio lolote la Iran la kutaka kuanzisha uwepo wa kijeshi nchini Syria na kwenye mipaka yetu ya kaskazini.
Netanyahu alisema: Tumedhamiria kukabiliana na juhudi za Hezbollah za kutulenga kutoka ndani ya Lebanon, na yeyote anayehitaji kukumbushwa kuhusu mistari yetu nyekundu atapokea ukumbusho huu.
Waziri wa Vita wa utawala wa Kizayuni aidha amesema: Taasisi za kijeshi zitaizuia Iran kuimarisha ngome yake nchini Syria na kuziba njia za uhamishaji silaha kwenda Lebanon na Hizbullah.
Gallant aliongeza: “Amani kwenye mpaka wa kaskazini ni muhimu, ndiyo maana pamoja na kulinda amani, tunachukua hatua madhubuti kukabiliana na jaribio lolote la kulenga jeshi la Israel.”
