Mgombea urais wa Muungano wa Azimio la Umoja One Kenya Raila Odinga hatimaye amemteuwa kiongozi wa Narc-Kenya Martha Karua kuwa mgombea mwenza.
Akimtaja kwenye hafla iliyofanyika Jumatatu Raila alisema kwamba Jopo la Azimio la Kuteuwa Mgombea Mwenza lilitoa ripoti na kusema Karua aliibuka bora kwa nafasi hiyo.
Jopo hilo pia lilikuwa limewahoji magavana Charity Ngilu (Kitui), Hassan Joho (Mombasa), Lee Kinyanjui (Nakuru) na Wycliffe Oparanya (Kakamega) kuwania nafasi ya mgombea mwenza wiki jana.
Jumapili, Mei 15, Raila alihakikishia wafuasi wake katika mkutano uliofanyika Kamukunji kwamba atamtambulisha mgombea mwenza leo kuanzia saa 11 asubuhi.
