Huku ikilaani mashambulizi ya utawala wa Kizayuni wa Syria, Wizara ya Mashauri ya Kigeni ya Russia imetahadharisha kuhusu kushadidi kwa mizozo ya kijeshi kwa kiwango kikubwa katika eneo hilo.
Siku ya Ijumaa, Wizara ya Mashauri ya Kigeni ya Russia ililaani mashambulizi ya kuendelea na haramu ya utawala wa Kizayuni katika nchi ya Syria na kuonya kuhusu kuzidi kwa mivutano ya kijeshi kwa kiwango kikubwa.
Kwa mujibu wa shirika la habari la TASS, Maria Zakharova, msemaji wa Wizara ya Mambo ya Nje ya Urusi, alisema katika taarifa yake: “Tunachukulia hatua kama hizo za kutowajibika zinazofanywa na Israel kuwa ni haramu kabisa na tunalaani vikali.”
Afisa huyo wa Urusi alibainisha kuwa mashambulizi ya Israel ni ukiukaji wa mamlaka ya Syria na kanuni za kimsingi za sheria za kimataifa.
Vile vile amesema: Tunaamini kuwa vitendo hivyo viovu havina uhusiano wowote na kupunguza hatari za kiusalama kwa Israel, lakini kinyume chake, vitendo vya kuleta uvunjifu wa amani vya kijeshi vinaweza kuzusha hatua za kulipiza kisasi na kusababisha kushadidi mivutano ya kijeshi kwa kiwango kikubwa.
Msemaji wa Wizara ya Mambo ya Nje ya Russia amesema: Tunaiomba Israel iache vitendo vya uchochezi dhidi ya jirani yake Syria na ijiepushe na harakati zozote zitakazoliweka eneo lote kwenye tishio la matokeo hatari.
Siku ya Jumatano jioni, ulinzi wa anga wa Syria ulikabiliana na makombora kadhaa katika anga ya mji na mkoa wa Damascus. Makombora hayo yalirushwa na wapiganaji wa utawala wa Kizayuni waliolenga maeneo ya Damascus.
Vikosi vya ulinzi vya anga vya Syria vilinasa makombora manne kusini mwa Damascus, vyanzo vya habari vilisema. Makombora yalikabiliwa karibu na barabara ya Uwanja wa Ndege wa Kimataifa wa Damascus, barabara kuu ya Damascus-Dara’a na kuzunguka mji wa Al-Kuswah ulioko kusini mwa mkoa wa Damascus.
Saa chache kabla ya shambulio hili, duru za Syria pia zilitangaza shambulio la wapiganaji wa utawala wa Kizayuni katika Uwanja wa Ndege wa Kimataifa wa Aleppo ulioko kaskazini magharibi mwa Syria.
Serikali ya Syria imekuwa ikitangaza mara kwa mara kuwa utawala wa Kizayuni na waitifaki wake wa eneo na magharibi wanaunga mkono makundi ya kigaidi ya kitakfiri yanayopambana na serikali ya Syria. Hadi sasa jeshi la Syria limegundua mara kadhaa shehena za silaha na risasi zinazofanywa na Palestina inayokaliwa kwa mabavu kutoka kwa makundi ya kigaidi yenye makao yake nchini Syria.
Wapiganaji wa utawala wa Kizayuni hutekeleza mashambulio ya makombora katika maeneo yaliyolenga mashariki na kaskazini magharibi mwa Syria kwa kukiuka anga ya Lebanon au kupitia Miinuko ya Golan inayokaliwa kwa mabavu.
