Mwanadiplomasia mwandamizi wa Russia na mjumbe wa rais Vladimir Putin nchini Afghanistan anasema kuna ushahidi kuwa Marekani inajaribu kufadhili kwa siri kundi la kigaidi la Daesh nchini humo ili kudhoofisha utawala wa sasa wa kisiasa wa Taliban.
Zamir Kabulov alisema siku ya Ijumaa kuwa Washington inataka kulipiza kisasi kwa kushindwa kwake kwa njia ya fedheha katika nchi hiyo ya Kusini mwa Asia na inalenga kulifadhili kwa siri kundi la kigaidi magaidi wakufurishaji wa Daesh ili kusababisha uharibifu zaidi katika nchi hiyo iliyoharibiwa na vita.
Akizngumza na Televisheni ya Russia, Kabulov amesema ana ushahidi kuhusu anayoyasema na kuongezwa kuwa sababu ya Marekani kuunga mkono ugaidi Afghanistan ni kulipiza kisasi baada ya kushindwa na kuhakkikisha kuwa amani haipatikani nchini humo.
Kundi la Taliban lilichukua udhibiti wa Afghanistan Agosti 2021 baada ya kupindua utawala uliokuwa unaungwa mkono na Marekani mjini Kabul. Katika mwaka uliopita, vikwazo vya Marekani na kufungia mali ya Afghanistan vimesababisha moja ya maafa mabaya zaidi ya kibinadamu katika nchi hiyo iliyoharibiwa na vita.
Marekani iliivamia Afghanistan Oktoba 2001 kufuatia mashambulizi ya Septemba 11, 2001 licha ya kwamba hakuna raia wa Afghanistan aliyehusika katika mashambulizi hayo. Mamia ya maelfu ya Waafghanistan waliuawa katika uvamizi wa Marekani dhidi ya nchi hiyo.
Vita hivyo vilianzishwa kwa jina la kupigana na Taliban na kuleta usalama nchini humo. Lakini karibu miongo miwili ya uwepo wa kijeshi wa Marekani nchini Afghanistan ulimalizika kwa kujiondoa haraka na kuacha urithi wa uharibifu na ukosefu wa usalama huko.
Msururu wa mashambulizi mabaya ya kigaidi yameitikisa Afghanistan katika miezi ya hivi karibuni, na kusababisha hofu na hofu nchini kote, na kutoa changamoto kwa serikali ya Taliban zaidi ya mwaka mmoja baada ya kuondoka kwa vikosi vamizi vya Marekani na waitifaki wake.
