Kwa mujibu wa Naibu Waziri wa Mambo ya Nje wa Yemen, baadhi ya nchi za Kiarabu zimeisahau Yemen kwa muda wa miaka 7 na sasa zinaruhusu usajili wa viza kwa Wananchi wa Ukraine.
Kwa mujibu wa Huduma ya Kimataifa ya Shirika la Habari la Fars, afisa wa Serikali ya Wokovu wa Kitaifa ya Yemen leo (Jumapili) katika ukurasa wake wa Twitter amekosoa akieleza kwamba baadhi ya nchi za Kiarabu zimesahau vita vya miaka minane nchini Yemen na sasa zinatoa machozi ya mamba kuonyesha huzuni kwa wakimbizi wanaotoroka vita nchini Ukraine .
Naibu Waziri wa Mambo ya Nje Hussein al-Aziz aliandika kwamba historia haisahau kwamba baadhi ya nchi za Kiarabu zimekuwa zikiishambulia kwa mabomu Yemen kwa miaka minane, wakati huohuo zikitoa viza na makazi kwa wakimbizi wa Ukraine.
Akaongeza kusema: “Ewe ndugu yangu, Ewe Mwarabu, unakabiliwa na mandhari ya ajabu na yenye kushangaza, basi inua sauti yako na useme: “Nimeiamini Yemen, ngome ya mwisho ya Arabia, na nikaikataa Arabia ya uongo ya Zayuni.
Ndani ya muda wa mwezi mmoja, Yemen itaingia mwaka wake wa nane wa vita, vita ambavyo vimesababisha mamia na maelfu kuuawa na mamilioni ya wengine kuyahama makazi yao, na kuharibu miundombinu mingi ya nchini humo.
Wakati huo huo, siku 11 tu baada ya vita vya Ukraine, UAE ilitangaza kuwa wakimbizi wa Ukraine wanaweza kuingia nchini humo na kupokea visa baada ya kuwasili.
Mtazamo wa pande mbili za vita vya miaka minane nchini Yemen na kukaliwa kwa mabavu utawala wa Kizayuni kwa miaka 70 na vita vya Ukraine kumesababisha ukosoaji katika duru nyingi.Kuhusiana na hilo, “Richard Boyt Bart”, mjumbe wa Bunge la Ireland jana katika taarifa yake amekosoa misimamo ya undumakuwili ya nchi za Magharibi na Marekani katika kukabiliana na Russia na utawala wa Kizayuni na kusema kuwa, viongozi wa Kizayuni wanapaswa kufunguliwa mashtaka.
