Vyombo vya habari vya Syria vimeripoti kuwa uwanja wa ndege wa kimataifa wa Aleppo ulioko kaskazini magharibi mwa Syria ulishambuliwa kwa makombora kadhaa.
Vyanzo hivyo viliripoti kua sauti ya milipuko kadhaa ilisikika kwenye Uwanja wa Ndege wa Kimataifa wa Aleppo Jumatano jioni.
Likithibitisha habari hii, shirika rasmi la habari la Syria SANA limeripoti kuwa milio ya milipuko kadhaa ilisikika katika anga ya Aleppo na uchunguzi kuhusu asili ya sauti hii unaendelea.
Muda mfupi baada ya vyanzo vya ndani vya Syria kuripoti shambulio hilo kwenye Uwanja wa Ndege wa Kimataifa wa Aleppo, kituo cha “Al-Mayadeen” kiliripoti, ikimnukuu mwandishi wake, kwamba Uwanja wa ndege wa Aleppo ulilengwa na makombora kadhaa.
Kulingana na ripoti ya Al-Mayadin, shambulio hili lilisababisha uharibifu wa nyenzo tu. Redio ya “Sham FM” pia iliripoti kwamba shambulio hili lilisababisha uharibifu mdogo na hakuna vifo vya kibinadamu vilivyoripotiwa bado.
Shirika rasmi la habari la Syria, likinukuu chanzo cha kijeshi, liliripoti kuwa mnamo saa 20:00 kwa saa za huko, utawala wa Kizayuni ulilenga uwanja wa ndege wa kimataifa wa Aleppo kwa shambulio la kombora.
Chanzo hicho kiliongeza kuwa shambulio hilo lilisababisha uharibifu wa nyenzo pekee.
Serikali ya Syria imekuwa ikitangaza mara kwa mara kuwa utawala wa Kizayuni na waitifaki wake wa eneo na magharibi wanaunga mkono makundi ya kigaidi ya kitakfiri ambayo yanapambana na serikali ya Syria. Hadi sasa jeshi la Syria limegundua mara kwa mara shehena za silaha na risasi zinazofanywa na Palestina inayokaliwa kwa mabavu kutoka katika makundi ya kigaidi yenye makao yake nchini Syria.
Wapiganaji wa utawala wa Kizayuni kwa kupokezana hufanya mashambulizi ya makombora kwenye maeneo yaliyolenga maeneo ya mashariki na kaskazini magharibi mwa Syria kwa kukiuka anga ya Lebanon au kupitia Miinuko ya Golan inayokaliwa kwa mabavu.
