Mfumo wa ngao ya makombora wa Syria umefanikiwa kutungua makombora kadhaa ya utawala haramu wa Israeli yaliyokuwa yamevurumishwa kuelekea kwenye mji mkuu wa nchi hiyo, Damascus.
Shirika rasmi la habari la Syria, SANA, limeropoti kuwa mapema Jumatatu Alfajiri, makombora ya Israel yakipitia mashariki mwa mji wa Lebanon wa Rayaq, yalikuwa yanaelekea Damascus kabla ya kutunguliwa.
Taarifa hiyo imesema aghalabu ya makombora hayo yametunguliwa na kuharibiwa na mfumo wa ngao ya makombora wa Syria.
Hayo yanajiri mwezi mmoja baada ya jeshi hilo la utawala haramu wa Israel kuvurumisha makombora kuelekea mji wa kistratijia wa Syria wa Latakia.
Mara kwa mara, Syria imekuwa ikilaani mashambulio ya utawala wa Israeli katika ardhi yake ikisema vitendo hivyo vya uchokozi vya Tel Aviv havitaathiri azma ya nchi hiyo ya Kiarabu katika vita dhidi ya ugaidi.
Lebanon pia hivi karibuni iliwasilisha mashtaka kwa Umoja wa Mataifa ikilalamikia hatua ya utawala haramu wa Israel kukiuka anga yake mara kwa mara wakati wa kutekeleza mashambulizi dhidi ya Syria.
Utawala haramu wa Israel ni muungaji mkono mkubwa wa magaidi ambao wanataka kuiangusha serikali halali ya Rais Bashar al Assad nchini Syria.
