Serikali ya Tanzania imesema haiko vitani na kundi lolote lenye silaha nchini katika Jamhuri ya Kidemokrasia ya Congo (DRC), kama ilivyoripotiwa na baadhi ya vyombo vya habari ndani na nje ya Tanzania.
Serikali ya Jamhuri ya Muungano wa Tanzania imesema kuwa, iko nchini DRC kama sehemu ya Ujumbe wa SADC (SAMIDRC), ambao ni matokeo ya uamuzi wa Mkutano wa Wakuu wa SADC wa Agosti 2023 wa kukubali ombi la serikali ya DRC, kwa kuzingatia Mkataba wa Ulinzi wa Pamoja wa SADC, kupeleka ujumbe wa kijeshi kuisaidia. kushughulikia changamoto za usalama eneo la Mashariki.
Waziri wa Mambo ya Nje na Ushirikiano wa Afrika Mashariki wa Jamhuri ya Muungano wa Tanzania Tanzania, Januari Makamba ameeleza katika ukurasa wa X kuwa, idadi ya nchi za SADC zinachangia wanajeshi na fedha kwa ajili ya Ujumbe huo.
Na kuwa hakuna jeshi linalochangia linalofanya kazi kwa uhuru, nje ya kamandi ya utendaji ya umoja ya Misheni.
Makamba amesema, Tanzania inajifungamanisha na michakato ya Luanda na Nairobi, taratibu za kisiasa za kikanda za utatuzi wa amani wa mzozo wa Mashariki mwa Jamhuri ya Kidemokrasia ya Congo.
Mapigano makali kati ya waasi wa M23 na jeshi la serikali yamesababisha wimbi jipya la wakimbizi wa ndani mashariki mwa Jamhuri ya Kidemokrasia ya Congo. Duru mbalimbali katika majimbo ya Kivu Kaskazini na Kusini zimeripoti kuhusiana na wimbi hilo jipya la wakimbizi.
Mwezi uliopita wa Januari Jeshi la Jamhuri ya Kidemokrasia ya Congo lilitangaza kuanzisha operesheni ya pamoja na wanajeshi wa kikosi cha Jumuiya ya Maendelezo ya nchi za kusini mwa Afrika SADC dhidi ya waasi wa M23 mashariki mwa nchi hiyo.
