تل ابیب کی حمایت روکنے کے لیے برطانوی وزیراعظم کے دفتر کے سامنے مظاہرہ
فاران: خبر رساں ذرائع نے اطلاع دی ہے کہ انگلینڈ میں عوام کی ایک بڑی تعداد کل (بدھ کو) غزہ میں صیہونی حکومت کے حالیہ جرائم کے خلاف ڈاؤننگ سٹریٹ میں جمع ہوئی جو برطانوی وزیر اعظم کے سرکاری دفاتر کا مقام ہے۔
Labouroutlook ویب سائٹ نے اطلاع دی ہے کہ یہ مظاہرہ فلسطین کے حامی گروپوں کی حمایت سے کیا گیا جن میں “فلسطین یکجہتی مہم”، “جنگی اتحاد بند کرو”، “جوہری اسلحہ کا خاتمہ مہم” اور “مسجد الاقصی کے دوستدار” تنظیمیں شامل ہیں۔
یہ مظاہرہ صیہونی حکومت کی جانب سے غزہ کے مختلف علاقوں پر تین روز تک بمباری کے بعد کیا گیا جس کے نتیجے میں 16 بچوں سمیت 47 فلسطینی شہید ہو گئے۔ انگلستان میں مظاہرین نے ان شہید بچوں کے نام پر پڑھ کر سنائے۔
صیہونی حکومت نے گزشتہ سال بھی غزہ پر حملہ کرکے 260 فلسطینیوں کو شہید کیا تھا۔ ان دونوں حملوں نے غزہ کی پٹی کے مسائل میں اضافہ کر دیا ہے جو برسوں سے محاصرے میں ہے۔
برطانوی مظاہرین نے غزہ پر بمباری اور فلسطینیوں کے اندھے قتل عام کو رکوانے کا مطالبہ کیا اور برطانوی حکومت سے مطالبہ کیا کہ وہ صیہونی حکومت کو مسلح کرنا بند کرے۔
تبصرہ کریں