صنعا کی مارکیٹ پر امریکی حملے میں 12 شہید اور 30 زخمی
فاران: یمن کی وزارت صحت نے جنوبی صنعا کے ایک بازار پر امریکی فضائی حملے میں کم از کم 12 افراد کی شہادت کا اعلان کیا ہے۔
فارس نیوز ایجنسی انٹرنیشنل گروپ؛ اتوار کی شام امریکی جنگی طیاروں نے یمن کے مختلف علاقوں بشمول صنعا کے جنوب اور ملک کے مشرق میں ماریب پر بمباری کی۔
یمنی وزارت داخلہ نے ایک بیان میں اعلان کیا ہے کہ صنعا کے علاقے شعب میں واقع فروہ بازار پر امریکی جارحیت اور بمباری کے نتیجے میں کم از کم 12 افراد شہید اور 30 زخمی ہوگئے ہیں۔
یمنی ذرائع نے صنعا کے جنوب میں فروہ کے علاقے میں رہائشی مکانات اور ایک بازار پر امریکی فضائی حملوں کی ویڈیو جاری کی ہے۔
یمنی وزارت صحت کے مطابق امدادی کارکن اب بھی ملبے تلے دبے لوگوں کو تلاش کر رہے ہیں اور انہیں بچا رہے ہیں۔
اسی دوران الجزیرہ نے صعدہ صوبے میں حرف سفیان اور سحر کے علاقوں پر امریکی فوج کے تین نئے حملوں کی خبر دی۔
تبصرہ کریں