غزہ میں اسرائیلی قتل عام جاری، 37 شہری شہید، 68 زخمی
فاران: قابض اسرائیلی فوج نے مسلسل 197ویں روز بھی غزہ کی پٹی پر وحشیانہ جارحیت کا سلسلہ جاری رکھا اور 24 گھنٹوں کے اندر چار قتل عام کیے جس کے نتیجے میں درجنوں افراد شہید اور زخمی ہوئے۔
غزہ میں فلسطینی وزارت صحت نے کہا کہ اسرائیلی قابض فوج نے غزہ کی پٹی میں خاندانوں کے خلاف چار قتل عام کیے جن میں 37 شہری شہید اور 68 زخمیوں کو گزشتہ 24 گھنٹوں کے دوران اسپتالوں میں داخل کیا گی۔
7 اکتوبر سے اب تک 34 ہزار 49 فلسطینی شہید اور 76 ہزار 901 زخمی ہوئے ہیں۔
وزارت صحت نے ہفتہ کو ایک پریس بیان میں اطلاع دی کہ متعدد متاثرین اب بھی ملبے کے نیچے اور سڑکوں پر ہیں اور ایمبولینس اور شہری دفاع کا عملہ ان تک نہیں پہنچ سکتا۔
اس نے شہداء اور جنگ سے لاپتہ افراد کے اہل خانہ سے بھی مطالبہ کیا کہ “وزارت صحت کے ریکارڈ کے ذریعے تمام ڈیٹا کو مکمل کرنے کے لیے وزارت کی ویب سائٹ پر اپنا ڈیٹا مکمل کریں”۔
تبصرہ کریں