حزب اللہ نے اسرائیل پر میزائلوں کی برسات کر دی
فاران: لبنان کی سرکردہ مزاحمتی تنظیم حزب اللہ نے اتوار کی صبح نام نہاد اسرائیلی ریاست کے علاقے بیت ھلیل پر درجنوں کاتیوشا راکٹوں سے حملہ کیا۔ حزب اللہ کا کہنا ہے کہ اس نے یہ حملہ جنوبی لبنان میں “شہریوں” کو نشانہ بنانے کے جواب میں کیا گیا۔
دوسری جانب اسرائیلی فوج نے دعویٰ کیا ہے کہ اس نے حزب اللہ کی طرف سے داغے زیادہ تر میزائلوں کو مار گرایا ہے۔
یہ واقعات ایک ایسے وقت میں رونما ہوئے ہیں جب دوسری طرف حزب اللہ اور اسرائیل کے درمیان سرحد پر کشیدگی میں مسلسل اضافہ ہو رہا ہے۔
حزب اللہ نے ایک بیان میں کہا کہ “جنوبی دیہاتوں پر اسرائیلی فوج کے حملوں، خاص طور پر کفر کیلا اور دیر سریان کے دیہاتوں کو نشانہ بنانے اور شہریوں کے زخمی ہونے کے جواب میں اس نے ایک نئے علاقے “بیت ہلیل پر میزائلوں سے بمباری کی۔ ہے۔
قبل ازیں لبنان کی وزارت صحت نے اس سے قبل ہفتے کے روز اطلاع دی تھی کہ جنوبی لبنان میں اسرائیلی بمباری سے “چھ شہری” زخمی ہوئے ہیں۔
خیال رہے کہ گذشتہ برس سات اکتوبر کو غزہ میں وحشیانہ جنگ مسلط کیے جانے کے بعد لبنان کی سرحد پر حزب اللہ اور اسرائیلی فوج کے درمیان روزانہ کی بنیاد پر فائرنگ کا تبادلہ ہوتا ہے۔
تبصرہ کریں