رام اللہ اور طوباس میں اسرائیلی فوج کا فلسطینیوں کے خلاف کریک ڈاؤن
فاران: کل ہفتے کی شام قابض اسرائیلی افواج نےطمقبوضہ مغربی کنارے کے وسطی شہر رام اللہ اور شمالی علاقے طوباس میں فلسطینیوں کے خلاف گھر گھر تلاشی شروع کی۔ گرفتاری کی اس مہم کے دوران متعدد فلسطینیوں کو حراست میں لے لیا گیا۔
ہفتے کے روز رام اللہ اور طوباس سے اسرائیلی فوج کے سرچ آپریشن میں پانچ فلسطینیوں کو گرفتار کیا گیا ہے۔
مقامی ذرائع نے بتایا کہ اسرائیلی فوج کی بھاری نفری نے رام اللہ کے شمال میں دير جرير پر دھاوا بولا اور تلاشی کے دوران محمد نضال، محمود ناصر، اور محمد صالحہ کو گرفتار کرلیا۔.
ادھر رام اللہ میں بیت ایل یہودی کالونی میں ایک خاتون آباد کار کو زخمی کرنے والے 23 سالہ نوجوان قیس عماد شجاعیہ کو گرفتار کرلیا۔
غرب اردن کے شمالی شہر طوباس میں قابض فوج نے دو حقیقی بھائیوں احمد اور حمزہ غالب دراغمہ کو شمالی وادی اردن کی ایک چوکی سےگذرتے ہوئے گرفتار کیا۔
تبصرہ کریں