رواں سال میں اب تک 20,000 روسی یہودیوں کی فلسطین میں آباد کاری

فاران: عبرانی اخبار ’اسرائیل ہیوم‘ میں شائع ہونے والی ایک رپورٹ میں کہا گیا ہے کہ روسی حکام اور یہودی ایجنسی جو کہ (اسرائیل) میں امیگریشن کے لیے کام کرتی ہے کے درمیان شدید تصادم کی روشنی میں یہ واضح ہے کہ حالیہ مہینوں میں یہودیوں کی نقل مکانی میں نمایاں اضافہ ہوا ہے۔

اخبار نے لکھا  ہے کہ اس نے وزارت برائے ھجرت اور جذب سے ڈیٹا کی درخواست جمع کرائی تھی اور اعداد و شمار سے پتہ چلتا ہے کہ سال2022 کے آغاز سے لے کر اب تک کم از کم 19,168 یہودی روس سے اسرائیل نقل مکانی کرچکے ہیں۔ جبکہ گذشتہ برس روس سے کل 7,824 یہودی مقبوضہ فلسطین آئے تھے۔

اخبار کی رپورٹ میں نشاندہی کی گئی ہے کہ گزشتہ فروری سے اب تک ہر ماہ تین ہزار سے زائد نئے تارکین وطن آتے ہیں۔ یوکرین میں جنگ سے قبل روس سے 743 نئے تارکین وطن کا اندراج کیا گیا تھا۔

اخباری رپورٹ کے مطابق مارچ میں (روسی یوکرینی جنگ کے آغاز کے بعد) نقل مکانی کرنے والے یہودیوں کی تعداد بڑھ کر 3,361 تک پہنچ گئی، اور گزشتہ مئی میں یہ ریکارڈ 4,434 تارکین وطن تک پہنچ گئی۔