صہیونی فوج کی فائرنگ سے زخمی ہونے والا نوجوان دم توڑ گیا

فاران: فلسطینی وزارت صحت نے اعلان کیا ہے کہ دو روز قبل اسرائیلی فوج کی فائرنگ سے شمال مغربی کنارے کے شہر نابلس میں زخمی ہونے والا نوجوان فواز احمد صالح حمائل چل بسا۔ شہید کا تعلق نابلس کے نواحی علاقے بیتا سے تھا۔

حمائل کو بدھ کی صبح بیتا قصبے میں شدید تصادم کے دوران قابض فوج نے سینے میں گولی مار دی تھی اور بعد میں اسے نابلس کے عرب سپیشلائزڈ ہسپتال منتقل کر دیا گیا تھا۔

زخمی نوجوان کی جان بچانے کے لیے اسپتال میں اس کی سرجری بھی کی گئی۔

قبل ازیں جنین کے کفر دان میں اسرائیلی فوج کی وحشیانہ کارروائی میں دو فلسطینی نوجوان شہید ہوگئے۔ ان کی شناخت شاس کامجی اور مصطفیٰ ابو الرب کے ناموں سے کی گئی ہے۔