صہیونی ٹی وی کا اعتراف: ہم لبنان کے ساتھ زمینی جنگ کے لیے تیار نہیں ہیں

فاران: فارس خبررساں ایجنسی کی رپورٹ کے مطابق حال ہی میں حزب اللہ لبنان اور صیہونی حکومت کے درمیان کریش آئل فیلڈ کے حوالے سے زبانی کشیدگی پائی جا رہی ہے۔
اس سلسلے میں صیہونی حکومت کے چینل 12 نے اعلان کیا : اسرائیل کی زمینی افواج اس وقت جنگ کے لیے تیار نہیں ہیں اور ان میں ایسی خرابیاں ہیں جو انہیں لبنان میں زمینی جنگ میں داخل ہونے کی اجازت نہیں دیتیں۔
اس رپورٹ میں مزید کہا گیا کہ صیہونی حکومت کے بہت سے فوجی اس وقت فوج کے زمینی یونٹ میں خدمات انجام دینے سے بھاگ رہے ہیں اور ٹیکنالوجی اور فضائیہ کی یونٹوں میں جا رہے ہیں کیونکہ یہ کم خطرناک ہے۔
کل رات اپنی تقریر کے ایک حصے میں سید حسن نصر اللہ نے کاریش آئل فیلڈ کے مسئلے پر گفتگو کرتے ہوئے کہا: ہم روک تھام کی صلاحیت رکھتے ہیں اور اگر ضرورت پڑی تو ہم جواب دیں گے۔ چاہے یہ جنگ کی طرف لے جائے۔ لیکن یورپ کو روسی تیل اور گیس کی جگہ کسی دوسرے آپشن کی شدید ضرورت ہے جو لبنان کے لیے ایک تاریخی موقع ہے۔