صیہونی فورسز نے جنوبی شام کے نئے علاقوں کا کنٹرول سنبھال لیا
فاران: شام کے ذرائع نے اعلان کیا ہے کہ صیہونی حکومت کی قابض افواج ملک کے جنوب مغرب میں واقع صوبہ قنیطرہ کے نئے علاقوں میں داخل ہو گئی ہیں اور اس کا کنٹرول سنبھال لیا ہے۔
المسیرہ ٹی وی کی ایک رپورٹ کے مطابق اسرائیلی افواج نے جنوبی شام کے صوبہ قنیطرہ کے مضافات میں واقع قصبے جباتا الخشب میں دراندازی کی ہے اور اس کا کنٹرول سنبھال لیا ہے۔
ابھی تک صیہونی حکومت کی اس جارحیت کے بارے میں مزید تفصیلات جاری نہیں کی گئی ہیں۔
صیہونی حکومت کا یہ نیا قبضہ صیہونی حکومت کے وزیر جنگ اسرائیل کاٹز کی جانب سے شام میں جبل الشیخ کے مقبوضہ علاقے کے دورے کے دوران اعلان کے چند گھنٹوں بعد سامنے آیا ہے کہ حکومت کی فوج شام میں لامحدود موجودگی کی تیاری کر رہی ہے۔
شام کی عبوری حکومت کے سربراہ ابو محمد الجولانی کو مخاطب کرتے ہوئے انہوں نے زور دے کر کہا: “ہر صبح جب الجولانی اپنی آنکھیں کھولیں گے تو وہ جبل الشیخ میں اسرائیلی فوج کو دیکھیں گے اور یاد رکھیں گے کہ ہم یہاں ہیں۔
کاٹز نے یہ بھی کہا کہ شامی علاقے میں داخل ہو کر اسرائیلی افواج ایک محفوظ زون قائم کریں گی اور جبل الشیخ کے علاقے پر قبضہ کر لیں گی اور انہیں یقین ہوگا کہ جنوبی شام کا علاقہ ہتھیاروں سے پاک رہے گا۔
تبصرہ کریں