مسجد الاقصیٰ کے اطراف میں صہیونی پولیس کا کریک ڈاؤن، کئی نوجوان گرفتار

فاران: اسیران انفارمیشن آفس کی طرف سے جاری ایک بیان میں کہا گیا ہے کہ قابض پولیس نے پانچ نوجوانوں کو اس وقت گرفتار کیا جب وہ الاقصیٰ اسکوائر کے اندر موجود تھے۔ ان میں سے ایک عبدالخالق جبارین بھی شامل ہیں جواندرون فلسطین کے شہر ام الفحم سے آئے تھے۔

انہوں نے وضاحت کی کہ قابض فوج نے مسجد اقصیٰ اور باب العامود کے علاقے سے تین دیگر نوجوانوں کو گرفتار کیا۔

انہوں نے نشاندہی کی کہ قابض پولیس نے مسجد اقصیٰ کے قریب متعدد نمازیوں کو حراست میں لیا اور انہیں اس میں داخل ہونے سے روکا۔ ساتھ ہی انہیں مارا پیٹا اور صوتی بم پھینکے، اور کچھ نوجوانوں کو مسجد سے باہر لے گئے۔

اسرائیلی فوج کے ہاتھوں فلسطینی نمازیوں کی گرفتاریاں ایک ایسے وقت میں کی گئی ہیں جب یہودیوں کے عبرانی سال نو کے موقعے پر یہودی آباد کاروں کی بڑی تعداد مسجد اقصیٰ پر دھاوے بول رہے ہیں۔