مغربی کنارے پر اسرائیلی ڈرون حملے میں 3 فلسطینی شہید

Seفاران: شمالی مغربی کنارے میں اسرائیلی فوج کے ڈرون حملے میں 3 فلسطینی شہید ہوگئے۔
فارس نیوز ایجنسی انٹرنیشنل گروپ؛ اسرائیلی فوج نے گزشتہ روز شام کو شمالی مغربی کنارے میں طمون کے علاقے کو فضائی حملے کا نشانہ بنایا۔
فلسطین ہلال احمر سوسائٹی نے ایک بیان میں اعلان کیا ہے کہ اس حملے میں کم از کم تین فلسطینی ہلاک اور متعدد زخمی ہوئے ہیں۔
فلسطینی ذرائع نے بتایا کہ اس حملے نے مقامی لوگوں بالخصوص خواتین اور بچوں کو خوف میں مبتلا کر دیا ہے۔
مقامی فلسطینی ذرائع کا کہنا ہے کہ اس حملے میں شہید ہونے والوں میں فلسطینی مزاحمتی فورسز کے “منتصر بنی عودہ” اور “اسامہ معروف” بھی شامل ہیں۔
اس رپورٹ کی اشاعت کے وقت تک حملے میں شہید ہونے والے تیسرے کی شناخت کا تعین نہیں ہو سکا ہے۔
اسرائیلی فوج اور سیکورٹی فورسز نے گزشتہ ہفتے کے منگل کو شمالی مغربی کنارے میں “آئرن وال” کے نام سے ایک آپریشن شروع کیا، جس میں مغربی کنارے میں مزاحمتی گروپوں کو ختم کرنے کی کوشش کی گئی۔
اس دوران اسرائیلی حملوں میں متعدد فلسطینی شہری شہید اور درجنوں کو گرفتار کیا جا چکا ہے۔