ٹرمپ: غزہ سے یرغمالیوں کو رہا نہ کیا گیا تو جہنم کے دروازے کھل جائیں گے

فاران: منگل کی صبح امریکی صدر نے حماس تحریک کو دھمکی دی کہ اگر اس نے ہفتے کی دوپہر تک اسرائیلی یرغمالیوں کو رہا نہ کیا تو وہ جنگ بندی منسوخ کر دیں گے۔
فارس نیوز ایجنسی انٹرنیشنل گروپ؛ امریکی صدر ڈونلڈ ٹرمپ نے منگل کی صبح مزاحمتی تحریک حماس کی طرف سے قیدیوں کے تبادلے کی معطلی پر ردعمل کا اظہار کیا۔
ٹرمپ نے ایک بیان میں دھمکی دی: “اگر ہفتے کی دوپہر 12 بجے تک غزہ سے تمام یرغمالیوں کو واپس نہ کیا گیا تو میں جنگ بندی ختم کرنے کا مطالبہ کروں گا۔”
خبر رساں ادارے روئٹرز کے مطابق انہوں نے اپنی دھمکیاں جاری رکھتے ہوئے کہا: ’’اگر غزہ سے یرغمالی واپس نہ آئے تو جہنم کے دروازے کھل جائیں گے۔‘‘ حماس سمجھ جائے گی کہ اس دھمکی سے میرا کیا مطلب ہے۔
یہ دعویٰ کرتے ہوئے کہ اردن ممکنہ طور پر غزہ سے پناہ گزینوں کو قبول کرے گا، امریکی صدر نے دھمکی دی: “اگر وہ پناہ گزینوں کو نہیں لیتے تو میں اردن اور مصر کی امداد روک سکتا ہوں۔”
رپورٹ کے مطابق ٹرمپ نے یہ بھی مزید کہا: “میں نیتن یاہو سے یرغمالیوں کی رہائی کے لیے ہفتہ کو آخری تاریخ مقرر کرنے کے بارے میں بات کر سکتا ہوں۔” “اسرائیل جنگ بندی معاہدے کو منسوخ کر سکتا ہے۔”
انہوں نے مزید کہا: “مجھے یقین ہے کہ زیادہ تر اسرائیلی یرغمالی ہلاک ہو چکے ہیں۔ “حال ہی میں غزہ میں رہا کیے گئے اسرائیلی یرغمالیوں کے ساتھ جو کچھ ہوا وہ انتہائی پریشان کن ہے۔”
خیال رہھے کہ پیر کی شام  کو حماس تحریک نے ایک بیان جاری کیا جس میں صہیونی یرغمالیوں کی حوالگی کے عمل کو معطل کرنے کے اس اقدام کی وجوہات کی وضاحت کی گئی، جو اگلے ہفتے کے روز ہونا تھا۔