یحییٰ السنوار کو حماس کا سربراہ مقرر کیا جانا اسرائیل کے لیے پیغام ہے
فاران: فلسطینی دھڑوں نے اسلامی تحریک مزاحمت ’حماس‘ کے سربراہ کے طور پر کمانڈر یحییٰ السنوار کے انتخاب کو سراہا اور اس کا خیرمقدم کیا ہے۔ انہوں نے اس قدم کو ایک کامیابی اور اسرائیلی قابض دشمن کےلیے ایک پیغام قرار دیا ہے۔
فلسطینی مزاحمتی تنظیموں کی طرف سے جاری بیانات میں کہا گیا ہے کہ السنوار کو حماس کے سیاسی شعبے کی قیادت سونپنے سے اسرائیل کو یہ پیغام دیا گیا ہے کہ حماس مشکل ترین حالات میں بھی قابض ریاست کے خلاف مسلح جدو جہد پر یقین رکھتی ہے اور اسرائیلی دشمن کے خلاف جنگ جاری رکھے گی۔
قابض ریاست ے لیے ایک مضبوط پیغام
اسلامی جہاد موومنٹ نے اسلامی تحرک مزاحمت ’حماس‘ کو شہید کمانڈر اسماعیل ھنیہ کے بعد یحییٰ السنوار کو جماعت کے سیاسی بیورو کا سربراہ منتخب کرنے پر مبارکباد دی۔
اسلامی جہاد کی طرف سے جاری ایک پریس بیان میں جماعت کا کہنا ہے کہ شہید رہ نما اسماعیل ھنیہ کی ایران میں شہادت کے بعد سیاسی بیورو کی سربراہی میں داخلی مشاورت کے انعقاد اور خلا کو پر کرنے میں حماس تیز رفتاری سے جماعت کی لیڈرشپ کے ڈھانچے کومکمل کرنا دشمن کےلیے ایک سخت پیغام ہے۔
جہاد کا اختتام یہ کہتے ہوئے ہوا، ’’ہم کمانڈر یحییٰ سنوار اور حماس تحریک کے بھائیوں کو فلسطینی عوام کی آزادی، واپسی اور قبضے کو شکست دینے کے اہداف کے حصول کے لیے آگے بڑھنے میں تمام تر کامیابیوں کی خواہش کرتے ہیں۔‘‘
حماس بڑی مشکلات پر قابو پانے میں کامیاب
پاپولر فرنٹ فارلبریشن آف فلسطین نے حماس کے عسکریت پسند رہ نما یحییٰ السنوار “ابو ابراہیم” کو جماعت کے سیاسی بیورو کے سربراہ کے طور پر منتخب کرنے پر مبارک باد پیش کی۔
فرنٹ نے ایک بیان میں اس بات کا اعادہ کیا کہ حماس کی اس آزمائش اور اس عظیم مشکل سے نکلنے کی صلاحیت پر بھروسہ ہے جس کی نمائندگی کمانڈر اسماعیل ہنیہ کی شہادت سے ہوئی ہے اور وہ اپنے راستے اور سب شہید قائدین کی راہ پر گامزن رہیں گے۔
فرنٹ کی قیادت نے حماس کی قیادت میں یحییٰ السنوار اور ان کے بھائیوں کے لیے نیک خواہشات کا اظہار کیا کہ وہ مرحوم شہید اسماعیل ھنیہ کے جانشین کے طور پر اس عظیم ذمہ داری کو نبھانے میں کامیابی حاصل کریں اور تحریک کی اس طرح قیادت کرتے رہیں جس سے فلسطینی قوم کےدفاع کی راہ ہموار ہو۔
وفاداری کے دور میں مزاحمت
فلسطین میں مزاحمتی کمیٹیز کی قیادت نے ایک بیان میں کہا ہم اسلامی تحریک مزاحمت ’حماس‘ کو مبارکباد پیش کرتے ہیں۔اس کی مشاورت کے نتیجے میں عظیم رہ نما یحییٰ السنوار کو تحریک کے سربراہ کے طور پر منتخب کیا گیا ہے تاکہ قوم کے شہداء کی کامیابی کے لیے جدوجہد کی جائے اور اسماعیل ھنیہ کے مشن کو جاری رکھا جائے۔
بیان میں اس بات پر زور دیا گیا ہے کہ مجاہد رہ نما یحییٰ السنوار بہترین پیشرو کے بہترین جانشین ہیں۔ ہم ان کی کامیابی اور خوشحالی کے لیے دعا گو ہیں۔
مزاحمتی کمیٹیز نے کہا کہ حماس کی شوریٰ کونسل کا کمانڈر ابو ابراہیم السنوار کا انتخاب صہیونی دشمن کے مذموم منصوبوں کے لیے ایک بڑا دھچکا ہے اور یہ کمانڈر ابو العبد ہنیہ کے شہادت کی سزا اور ردعمل کا حصہ ہے۔
تبصرہ کریں