یمن نے اسرائیلی بحری جہازوں پر دوبارہ پابندی عائد کرنے کا کیا اعلان
فاران: یمن کی مسلح افواج کے ایک ترجمان نے بدھ کی صبح کہا ہے کہ وہ ایک بار پھر بحیرہ احمر، بحیرہ عرب اور آبنائے باب المندب سے صیہونی حکومت سے منسلک بحری جہازوں کے گزرنے کو روک رہے ہیں۔
العالم کی رپورٹ کے مطابق، بدھ کی صبح یمنی مسلح افواج کے ترجمان بریگیڈیئر جنرل یحیی سریع نے صیہونی حکومت سے منسلک بحری جہازوں کی نقل و حرکت پر پابندی کے دوبارہ نفاذ کا اعلان کیا۔
سریع نے ایک ویڈیو بیان میں کہا کہ ہم نے بحیرہ احمر، بحیرہ عرب اور آبنائے باب المندب میں اسرائیلی جہازوں کی نقل و حرکت پر پابندی دوبارہ شروع کرنے کا فیصلہ کیا ہے۔
المسیرہ ٹی وی نے ان کے حوالے سے کہا ہے کہ یہ پابندی غزہ کی پٹی کی گزرگاہوں کے کھلنے اور غزہ کی پٹی میں خوراک اور ادویات کے داخلے تک جاری رہے گی۔
یمنی فوجی عہدیدار نے وضاحت کی کہ یہ پابندی پہلے ہی نافذ العمل ہے ، “کوئی بھی اسرائیلی جہاز جو پابندی کی خلاف ورزی کرنے کی کوشش کرے گا اسے آپریشن کے اعلان کردہ علاقے میں نشانہ بنایا جائے گا۔
انہوں نے مزید کہا کہ ہم غزہ کی پٹی اور مغربی کنارے میں ثابت قدم فلسطینی عوام کو سلام پیش کرتے ہیں اور اس بات پر زور دیتے ہیں کہ ہم فلسطینیوں کی جرات مندانہ مزاحمت کے ساتھ کھڑے ہیں۔
تبصرہ کریں