یمن پر اسرائیلی جارحیت کی وجہ سے متعدد افراد شہید اور زخمی
فاران: یمن کے ساحلی شہر الحدیدہ میں اسرائیلی فوج کی وحشیانہ جارحیت کے نتیجے میں متعدد افراد شہید اور زخمی ہوگئے۔
ہفتے اور اتوار کی درمیانی شب اسرائیلی قابض فوج نے الحدیدہ بندرگاہ میں متعدد مقامات پر بمباری کی جس کے نتیجے میں آگ بھڑک اٹھی۔
یمن کے المسیرہ ٹی وی نے ایک سرکاری ذریعے کے حوالے سے تصدیق کی ہے کہ اسرائیلی دشمن کے حملے نے الحدیدہ گورنری کی بجلی گھروں اور ڈیزل کے ٹینکوں کو نشانہ بنایا۔
انصار اللہ کے زیر انتظام یمنی ذرائع ابلاغ نے کہا کہ فضائی حملوں میں حدیدہ شہر کو نشانہ بنایا گیا، جس سے مغربی یمن میں بحیرہ احمر کے قریب شہر کی بندرگاہ میں تیل صاف کرنے کی تنصیبات متاثر ہوئیں۔
یمن کی وزارت صحت نے الحدیدہ بندرگاہ میں تیل ذخیرہ کرنے کی تنصیبات پر اسرائیلی دشمن کے حملے کے نتیجے میں متعدد افراد کے شہید اور زخمی ہونے کی تعداد کی تصدیق کی ہے۔
ادھر امریکی ایکسیس ویب سائٹ نے ایک امریکی اہلکار کے حوالے سے بتایا کہ اسرائیل نے یمن میں حملہ کیا ہے۔ یہ حملہ اس نے گذشتہ جمعہ کو تل ابیب میں کئے گئے ڈرون حملے کے جواب میں کیا ہے جس میں ایک یہودی آبادکار ہلاک اور آٹھ زخمی ہوگئے تھے۔
تبصرہ کریں