22 سال قبل زخمی ہونے والی یہودی آباد کار خاتون ہلاک
فاران: 22 سال قبل مقبوضہ بیت المقدس میں سبارو ریسٹورنٹ آپریشن میں القسام بریگیڈ کےرکن شہید عزالدین المصری کے ہاتھوں زخمی ہونے والی ایک یہودی آبادکار خاتون طویل عرصے تک موت وحیات کی کشمکش میں رہنے کے بعد گذشتہ شب ہلاک ہوگئی۔
فوت ہونے والی یہودی آباد کار خاتون کی بیٹی نے بتایا کہ اس کی ماں طویل عرصے سے کومہ میں تھی۔ اسے تین ہفتے قبل حالت بگڑنے کے بعد ایخلوف ہسپتال منتقل کیا گیا تھا جہاں وہ رات گئے چل بسی۔ اس خاتون کی ہلاکت کے بعد اس کارروائی میں ہلاک ہونے والے یہودیوں کی تعداد 16 ہوگئی ہے۔
9 اگست 2001 کو شہید عزالدین المصری نے مقبوضہ بیت المقدس میں سبارو ریسٹورنٹ پر بہادرانہ کارروائی کی جس کے نتیجے میں اس وقت 15 صہیونی ہلاک اور درجنوں زخمی ہوگئے تھے۔
عزالدین المصری سترہ اگست 1979ء کو جنین گورنری کے گاؤں عقبہ میں ایک کم آمدنی والے گھرانے میں پیدا ہوئے۔ عزالدین کا بچپن مذہبی ماحول میں گذرا اور وہ مسجد میں نماز کی جماعت کے ساتھ پابندی کرتے ، روزے رکھتے اور یاد خدا میں مصروف رہتے تھے۔
المصری نے القسام کمانڈر انجینیر قیس عدوان ابو جبل کے ہاتھوں شہید عزالدین القسام بریگیڈز میں شمولیت اختیار کی اور مکمل رازداری سے کام کرنا شروع کیا۔
المصری آپریشن نابلس میں دو شہیدوں جمال منصور اور جمال سلیم اور متعدد شہریوں کے قتل کے ردعمل میں کیا گیا تھا۔
تبصرہ کریں