غزہ پر قابض فوج کی جارحیت کے نتیجےمیں 86 فلسطینی شہید

فاران: غزہ میں وزارت صحت نے اعلان کیا ہے کہ اسرائیلی قابض فوج نے غزہ کی پٹی میں خاندانوں کے خلاف 9 قتل عام کیے ہیں، جن میں گذشتہ 24 گھنٹوں کے دوران 86 افراد شہید اور 113 زخمی ہوئے ہیں۔

وزارت صحت نے اپنی روزانہ کی اپ ڈیٹس میں بتایا کہ اب بھی ملبے کے نیچے اور سڑکوں پربڑی تعداد میں شہری زخمی حالت میں پھنسے ہوئے ہیں۔ مگر قابض فوج انہیں ایمبولینسوں اور امدادی کارکنوں کو وہاں جانے سے روک رہی ہے۔

گذشتہ سات اکتوبر سے اب تک اسرائیلی جارحیت میں 30,717 شہید اور 72,156 زخمی ہوئے ہیں۔

اسرائیلی قابض فوج نے جان بوجھ کر 348 صحت کے اہلکاروں کو شہید اور 269 کوگرفتار کیا، جن کی قیادت خان یونس اور شمالی غزہ میں ہسپتال کے ڈائریکٹر شامل تھے۔