کوئی پسپائی نہیں/ ہم اسرائیل کی جارحیت کا فوری جواب دینے کے لیے تیار ہیں: انصار اللہ

فاران: یمن کی انصار اللہ تحریک کے پولیٹیکل بیورو نے جمعرات کی شام ایک بیان جاری کیا ہے جس میں صنعاء اور الحدیدہ میں ملک کے سویلین، سروس اور انفراسٹرکچر مراکز پر صیہونی حکومت کے حملوں کی مذمت کی گئی ہے۔

العالم  کے مطابق، انصار اللہ نے کہا کہ یہ حملے صیہونی حکومت کے مجرمانہ عزائم کی حد کو ظاہر کرتے ہیں، انہوں نے مزید کہا: “جارحانہ حملے ہمیں غزہ، فلسطینی عوام اور مزاحمت کی حمایت جاری رکھنے سے نہیں روک سکتے۔

انصار اللہ کے دفتر نے القدس اور جہاد کے راستے میں شہید ہونے والے شہداء کے اہل خانہ سے تعزیت پیش کرتے ہوئے کہا کہ ہماری مسلح افواج اس جارحیت کا فوری جواب دینے اور اینٹ کا جواب پتھر سے دینے کے لیے تیار ہیں اور اس سلسلے میں بالکل پیچھے نہیں ہٹیں گے۔

دریں اثناء یمن کی وزارت صحت نے اعلان کیا ہے کہ یمن پر صیہونی حکومت کے حملوں میں 40 افراد زخمی اور 6 شہید ہوئے ہیں۔