یمن میں سعودی اتحاد کے جنگی جرائم کا سب سے بڑا ساتھی کون ہے؟

فاران تجزیاتی ویب سائٹ: کچھ انسانی حقوق کے حامی گروپوں نے حال ہی میں کہا ہے کہ انہوں نے ایسی دستاویزات حاصل کی ہیں جن سے ظاہر ہوتا ہے کہ سعودی اتحاد کو بھاری فوجی اسلحہ اور جنگی ساز و سامان کے میدان میں فرانس کی تین بڑی کمپنیوں کی طرف سے کافی مدد ملی ہے۔

انسانی حقوق کے ان گروپوں نے کہا ہے کہ انہوں نے تین کمپنیوں ڈسالٹ، تھیلس اور ایم بی ڈی کے خلاف جنگی جرائم میں ملوث ہونے کا مقدمہ دائر کیا ہے۔

سینٹر فار ہیومن رائٹس اور یورپی آئین کے بعض ارکان نے، جو اس مقدمے کے مدعی ہیں، اپنی شکایت میں کہا کہ فرانس اگرچہ واضح طور پر جانتا ہے کہ سعودی اتحاد کو 2015 سے امریکہ اور کچھ مغربی ممالک کی سو فیصد حمایت کے ساتھ ہر قسم کے فوجی ہتھیاروں تک مکمل رسائی حاصل ہے۔ اور اس کے پاس بھاری ہتھیار موجود ہیں، پھر بھی فرانس سعودی اتحاد کو جدید ترین بھاری اور جدید فوجی ہتھیاروں سے لیس کر رہا ہے۔ جدید لڑاکا طیارے، میزائل اور گائیڈنس سسٹم، جو سب فرانسیسی سرزمین پر بنائے گئے ہیں اور سعودی اتحاد کے لیے آسانی سے دستیاب ہیں، ان ہتھیاروں میں شامل ہیں۔

شکایت میں الزام لگایا گیا ہے کہ یمن میں جنگی جرائم کے خاتمے کے لیے دنیا بھر کے انسانی معاشروں اور حکومتوں کے احتجاج اور شکایات کے باوجود فرانسیسی کمپنیوں نے صرف دسمبر میں سعودی اتحاد کو 80 رافیل لڑاکا طیارے فراہم کیے تھے۔ شکایت میں یہ بھی کہا گیا ہے: “اس بات کے شواہد موجود ہیں کہ سعودیوں نے اپنے اتحادیوں کے ساتھ مل کر ان لڑاکا طیاروں کے ذریعے یمن میں ہسپتالوں، طبی مراکز، رہائشی علاقوں، بازاروں، اسکولوں اور عوامی مراکز کو نشانہ بنا کر ان پر بمباری کے لیے استعمال کیا۔”

فرانس؛ یمنی عوام کے قتل عام میں سعودیوں کا اہم ساتھی
گارڈین سمیت مغربی خبر رساں اداروں کی جانب سے حال ہی میں افشا ہونے والی دستاویزات سے واضح طور پر ظاہر ہوتا ہے کہ فرانسیسی حکومت یمن کی جنگ کے آغاز سے ہی سعودی اتحاد کی مستقل اتحادی رہی ہے اور یمنیوں کے قتل عام کے لیے اسے مسلح کرنے میں اہم کردار ادا کرتی رہی ہے۔

دستاویزات میں کہا گیا ہے کہ سعودی اتحاد نے فوجی سازوسامان کی خریداری کے لیے فرانسیسیوں کے ساتھ ہمیشہ خفیہ اور ظاہری معاہدے کیے ہیں اور یمنی عوام کے قتل عام کے لیے سعودیوں کو ہمیشہ جدید ترین فوجی ساز و سامان فراہم کیا ہے۔ گارڈین کی درخواست پر، فرانسیسی ملٹری انٹیلی جنس سروس نے دستاویزات جاری کیں جن سے ظاہر ہوتا ہے کہ 2010 سے 2019 تک، فرانسیسی اسلحہ ساز کمپنیاں سعودی اتحاد کو ہتھیار فراہم کرنے والوں میں اہم کردار ادا کر رہی تھیں، اور سعودی اتحاد یمن میں جنگ جاری رکھنے کے لیے ان کمپنیوں اور ان کے تعاون پر مکمل بھروسہ رکھے ہوئے تھا۔

سیزر آرٹلری؛ (CAESAR) یمن میں فرانسیسیوں کا سب سے مہلک ہتھیار
مثال کے طور پر، سیزر خود سے چلنے والا توپ، جو کہ فرانسیسیوں کے سب سے جدید اور مہلک ہتھیاروں میں سے ایک ہے، جس کا استعمال 42 کلومیٹر کے فاصلے تک اہداف پر بمباری کرنے کے لیے کیا جاتا ہے، اور اسے فرانسیسی کمپنی نِکسٹر نے روئن شہر میں بنایا ہے، یہ صرف ایک جنگی ہتھیار ہے جو کہ اس جنگ میں برسوں سے مسلسل استعمال ہو رہا ہے اور یہ سعودیوں کے پاس ہے۔ یہ توپ ایک منٹ میں 6 155 ایم ایم 52 کیلیبر سے زیادہ گولیاں فائر کرنے کی صلاحیت رکھتا ہے ۔ 2010 سے اب تک جاری ہونے والی دستاویزات کے مطابق فرانسیسی حکومت نے اس طرح کے 132 انتہائی جدید اور مہلک توپ خانے سعودیوں کو فروخت کیے ہیں، جو صرف یمن کی جنگ میں استعمال ہوئے ہیں۔ اس بات کے شواہد بھی موجود ہیں کہ فرانسیسی حکومت نے 2023 تک سعودی اتحاد کو مزید 129 توپ خانے فراہم کرنے کا وعدہ کیا ہے۔

گارڈین نے اپنی رپورٹ میں مزید لکھا ہے کہ صرف 2018 میں، سعودی اتحاد نے ان میں سے 48 توپوں کو سعودی عرب کے جنوبی سرحدی علاقے میں تعینات کیا جو علاقہ یمن پر سب سے زیادہ تسلط رکھتا ہے، تاکہ اس طریقے سے رہائشی علاقوں، صحت کے مراکز اور عوامی مقامات کو آسانی سے نشانہ بنا سکیں۔

فرانسیسی ہتھیاروں نے یمن میں عام شہریوں کو نشانہ بنایا
شواہد سے پتہ چلتا ہے کہ سعودی اتحاد یمنی سرزمین پر فورسز کی پیش قدمی کے لیے زمینی راستے کھولنے کے لیے فرانسیسی آلات استعمال کر رہا ہے۔ گارڈین لکھتا ہے: “گزشتہ برسوں کے دوران سیزر توپ کسی معمولی مزاحمت اور پریشانی کے بغیر یمنی عوام کے رہائشی علاقوں کو تباہ کر کے اپنے فوجی کاروانوں کے لیے راستہ ہموار کرتا رہا ہے ۔

جاری کردہ صرف ایک دستاویز کے مطابق، 436,000 سے زیادہ یمنیوں کو اس توپ کی گولیوں سے نشانہ بنایا گیا۔

فرانسیسی وزارت دفاع کی طرف سے جاری کی گئی دستاویزات کے مطابق جدید ترین ٹینک، لڑکا طیارے اور مہلک توپ سعودی اتحاد کو گزشتہ برسوں اور مختلف معاہدوں کے تحت فراہم کیے جانے والے جنگی آلات میں سے کچھ ہیں، جنہیں وہ یمن کے مظلوم عوام کو مارنے کے لیے استعمال کرتے تھے۔

یقیناً، یہ دستاویزات، جو اب کچھ غیر سرکاری تنظیموں اور انسانی حقوق کے محافظوں کے دباؤ کے تحت جاری کی گئی ہیں، مغربی فوجی تعاون خاص طور پر امریکہ، فرانس اور برطانیہ کی جانب سے، سعودی اتحاد کو مسلح کرنے کے لیے صرف ایک چھوٹا سا حصہ ہیں۔ ایک ایسا عمل جس نے ان برسوں کے دوران بنیادی ڈھانچوں کو پہنچائے گئے نقصان اور اس سے ہونے والے بھاری مالی نقصانات کے علاوہ لاکھوں یمنی شہریوں کو خاک و خوں میں غلطاں اور بہت سے خاندانوں کو ختم کر دیا ہے، صرف اس وجہ سے کہ مغربی ممالک سعودی اتحاد کے خول کے لالچی ہیں اور وہ اس سرزمین کی پوشیدہ دولت کو لوٹنے کی خاطر اتنے بڑے جرم کا ارتکاب کرنے سے باز نہیں آئے۔