روسی حکومت نے یہودی ایجنسی کی سرگرمیوں پر پابندی عائد کر دی

فاران: عبرانی نیوز ویب سائٹ “واللا” نے اطلاع دی ہے کہ روسی حکومت نے ماسکو میں کام کرنے والی یہودی ایجنسی کو اپنا کام ختم کرنے کے لیے کہا ہے، جو کہ 30 سال میں اپنی نوعیت کا پہلا فیصلہ ہے۔

ویب سائٹ نے کہا کہ روسی انتظامیہ کے اہلکاروں نے ماسکو میں یہودی ایجنسی کو ایک سرکاری خط بھیجا ہے جس میں روس کے تمام خطوں میں اس کی سرگرمیاں روکنے کی ضرورت بتائی گئی ہے۔

دریں اثنا یہودی ایجنسی نے اس خبر کی صداقت کی تصدیق نہیں کی۔ اس سلسلے میں روسی حکومت کے ساتھ رابطے اور بات چیت کے چینل کے وجود کی طرف اشارہ کیا۔

اگر یہ خبر درست ہے تو 30 سالوں میں یہ پہلا موقع ہو گا کہ روسی حکومت نے روس میں یہودیوں کی امیگریشن کی ذمہ دار یہودی ایجنسی کی سرگرمیوں پر پابندی عائد کی ہے۔

اسرائیلی وزیر برائے امیگریشن کے حوالے سے بتایا گیا کہ روسی وزارت انصاف نے یہودی ایجنسی کی سرگرمیاں روکنے کا فیصلہ جاری کرتے ہوئے اسرائیلی وزیراعظم سے مطالبہ کیا ہے کہ وہ روسی حکومت کے ساتھ مسئلے کے حل کے لیے کام کریں۔