اسرائیلی پولیس کے ہاتھوں فلسطین میں مسجد کی بے حرمتی
فاران: مقبوضہ فلسطین کے جنوبی علاقے جزیرہ نما النقب میں اسرائیلی پولیس نے ایک تاریخی مسجد کی منظم انداز میں بے حرمتی کی جس پر فلسطینی حلقوں کی طرف سے شدید رد عمل سامنے آیا ہے۔
مرکزاطلاعات فلسطین کے مطابق اسرائیلی پولیس نے جزیرہ نما النقب میں رھط شہر میں واقع مسجد البدر میں گھس کر اس کی بے حرمتی کی۔ سوشل میڈیا پر اسرائیلی پولیس کی بھاری نفری کوبوٹوں سمیت میں نماز کی صفوں پر کھڑے دیکھا جا سکتا ہے۔
درایں اثنا اسلامی تحریک مزاحمت [حماس] نے اسرائیلی پولیس کے ہاتھوں مسجد کی بے حرمتی کی شدید الفاظ میں مذمت کی ہے۔ حماس کے ترجمان حازم قاسم نے ایک بیان میں کہا ہے کہ اسرائیلی پولیس کا یہ اقدام اشتعال انگیز اور فلسطینی اور مسلمانوں کے ساتھ صہیونیوں کی نفرت کی عکاسی کرتا ہے۔ انہوں نے مسجد کی مجرمانہ بے حرمتی کے خلاف فلسطینی قوم کی طرف سے احتجاج کرنے اور دنیا بھر میں فلسطینی مساجد کی آئے روز ہونے والی بےحرمتی کی روک تھام کے لیے اقدامات پر زور دیا۔
تبصرہ کریں